یکم فروری کو جندول میں طاقت کا مظاہرہ کرکے محلاتی سازشیوں اورفریبیوں کی نیندیں حرام کردیں گے ، اے این پی رہنماء حاجی بہادرخان

ہفتہ جنوری 21:21

تیمر گرہ( اُردو پوائنٹ تازہ ترین اخبار۔ 17 جنوری 2015ء ) یکم فروری کو جندول میں طاقت کا مظاہرہ کرکے عوامی نیشنل پارٹی کے محلاتی سازشیوں اورفریبیوں کی نیندیں حرام کردیں گے ، دولت کے پجاریوں نے عوامی نیشنل پارٹی سے قاعدہ قانون اورنظریات کا جنازہ نکال دیاہے،ان خیالات کا اظہار گزشتہ روزعوامی نیشنل پارٹی سے مستعفی ہونے والے اے این پی کے سابق صدرحاجی بہادرخان نے اے این پی باجوڑ ایجنسی کے کونسلروں اورتحصیل منڈاکے کارکنان کے ایک نمائندہ وفد سے گفتگوکرتے ہوئے کیاہے،اس موقع پرعوامی نیشنل پارٹی باجوڑ ایجنسی کے ضلعی کونسلروں خیرنوا ب ،امیرحاتم ،جان بخت ،فاتح سید ،سلطان زیب ،رحمن ،افضل خان ،قابل ،اسکرخان ،عبدالرشید،سراج،صاحب مل شاہ،رحیم شاہ،دلاورخان،امان اللہ،دوستان ،محمدنثار،محمدیار،تحصیل سلارزئی کے صدرسبحان ،جنرل سیکرٹری نوربادشاہ،تحصیل اُتمان خیل کے صدرعبدالقیوم ،جنر ل سیکرٹری محمددین خان،تحصیل برنگ کے جنرل سیکرٹری شاہ وزیر،جبکہ تحصیل منڈاکے درجنوں کارکنان نے منڈابازارکے جنرل سیکرٹری خان بھادرکے قیادت میں عوامی نیشنل پارٹی سے مستعفی ہونے کا اعلان کرتے ہوئے حاجی بھادرخان کو ہرقسم تعاون کا یقین دلایا،وفدسے گفتگوکرتے ہوئے حاجی بہادرخان نے کہاکہ اے این پی پر دولت کے پجاریوں نے قبضہ جمالیاہے اورقائدین کے انکھوں پر پٹیاں باندھ دی گئی ہیں،جبکہ پارٹی کے بانی ارکان اوردیرینہ کارکنان کو دیوارسے لگانے کا روش عرصہ دراز سے جاری تھا،تاہم یکم فروری کو ساتھیوں کے صلاح مشورہ سے اپنے سیاسی مستقبل کا فیصلہ کرکے سیاسی دغابازوں کو چیلنج کیاجائیگا۔

متعلقہ عنوان :

دیر شہر میں شائع ہونے والی مزید خبریں:

Your Thoughts and Comments