تمام جمہوری قوتیں آزادی مارچ میں جے یوآئی کے ساتھ ہونگی ، زاہد خان

مارچ کے شرکا ء پر تشدد کے خطرناک نتایج برآمد ہونگے،ترجمان اے این پی

جمعہ 18 اکتوبر 2019 23:11

تیمرگرہ (اُردو پوائنٹ اخبارتازہ ترین - آن لائن۔ 18 اکتوبر2019ء) تمام جمہوری قوتیں آزادی مارچ میں جے یوآئی کے ساتھ ہونگی ،مارچ کے شرکا ء پر تشدد کے خطرناک نتایج برآمد ہونگے۔

(جاری ہے)

مرکزی ترجمان اے این پی زاہد خان. جے یو آئی دیرلویرکے وفد نے ضلعی امیر سراج الدین کی قیادت میں اے این پی کے مرکزی سیکرٹری اطلاعات سینیٹرزاہد خان سے اُ ن کے رہایش گاہ اوڈیگرام ہاوس میں ملاقات کی ،وفد میں جنرل سیکرٹری حاجی جاوید اقبال ،نائب امیر خورشید خان ،حاجی شاکراللہ و دیگر ذمہ داران شامل تھے،اس موقع پر وفد سے گفتگومیں زاہد خان نے یقین دلایا کہ آزادی مارچ ملک کے سیاسی مستقبل کا کا تعین کردئیگا ،زاہد خان نے کہا کہ اے این پی آزادی مارچ کی مکمل حمایت کرتی ہے ، ناکام پالیسیوں کے سبب سٹاک مارکیٹ بیٹھ چکاہے ،بے روزگاری ،مہنگائی نے غریب عوام کاجینا محال کرددیا ہے ،جس کا واحد حل موجودہ حکومت کی رخصتی اور نئے شفاف انتخابات کا انعقاد ہے ،انہوں نے کہا کہ مارچ کے شرکاء پرکسی قسم کا تشد د یا مولانا فضل الرحمٰن کو گرفتار کیا گیا تو اے این پی کے کارکن اسلام آباد کا رخ کرینگے اور اس صورت میں اسفندیار ولی خان مارچ کی قیادت کرینگے