د یر قومی جرگہ کا ملکانان غاڑہ اور اہلیان شاٹئی درہ کے درمیان آراضیات کا دیرینہ تنازعہ حل کرنے کا حتمی فیصلہ، 28 اکتوبر کو اعلان کیا جا ئیگا

تیمرگرہ(اُردو پوائنٹ اخبارتازہ ترین - آن لائن۔ 07 اکتوبر2020ء) د یر قومی جرگہ نے ملکانان غاڑہ اور اہلیان شاٹئی درہ کے درمیان آراضیات کا دیرینہ تنازعہ حل کرنے کا حتمی فیصلہ 28 اکتوبر کو اعلان کیا جا ئیگا ۔

(جاری ہے)

علاقہ میں خون ریزی کو روکنے اور قیام امن کے لئے فریقین کے درمیان تصفیہ ناگزیر ہے اس حوالے سے تیمرگرہ ریسٹ ہاوس میںدیر قومی جرگہ کے چئیرمین اور سابق ایم این اے صاحب زادہ محمد یعقوب خان کی صدرات میںلوئر دیر اور اپر دیر کے عمائدین کا گرینڈ جرگہ منعقد ہوا جس میں امیر جماعت اسلامی لوئر دیر اعزازلملک افکاری ،ممبر صوبائی اسمبلی حاجی بہادر خان ،سابق ایم پی اے ملک بحرام خان، سابق صوبائی وزیر ملک جہان زیب خان ،اسسٹنٹ کمشنر لو ئر دیر طاہر علی خان، ڈی ایس پی محمد زمان خان ، سابق ضلعی ناظم حاجی محمد رسول خان ،خور شید علی خان، حاجی داوودسید، انجنئیر یعقوب الرحمان ،ملک عبدالستار خان ،خور شید خان خزانہ ، سلطنت یار ایڈوکیٹ، محمد رسول خان آف رانی ،انجمن تا جران تیمرگرہ کے صدر حاجی ا نوار لدین ،عبدالرحمان ایڈوکیٹ، سمیت کثیر تعداد میں عمائدین علاقہ نے شرکت کی اجلاس میںسب جرگہ نے گرینڈ جرگہ کو فریقین کے ساتھ ہونے والے الگ الگ مذاکرات اور موقف کی رپورٹ پیش کی قومی جرگہ نے فر یقین کے ساتھ ہونے والے مذاکرات پر اطمینان کااظہار کیا اور کہاکہ ملکانان غاڑہ اور اہلیان شاٹئی درہ کے درمیان آراضیات کا تنازعہ دیر قومی جرگہ کے لئے ٹسٹ کیس ہے اورنہ صرف فریقین بلکہ لوئر دیر اور اپر دیر کے عوام کے نظریں اس اہم فیصلے پر مرکوز ہے عمائدین نے کہا کہ قومی جرگہ غیر جانبدار اور پوری نیک نیتی سے اس اہم تنازعہ کا پر امن اور دیرپا حل چاہتی ہے اس موقع پر دیر قومی جرگہ کے چئیر مین صاحب زادہ محمد یعقوب خان ، اور سابق ممبر صوبائی و امیر جماعت اسلامی لوئیر دیر نے فریقین سے مخا طب کرتے ہوئے کہا کہ جرگہ کسی بھی فریق کے ساتھ نا انصا فی نہیں کرے گی اور اس تنازعہ کا درمیانی راستہ سے حل نکانے کی کوشش کی جائی گی اس حوالے سے دیر قومی جرگہ نے فریقین کو 28اکتوبر کو طلب کیا اور جرگہ اس اہم تنا زعہ کی فیصلے کااعلان کرے گی