فیصل آباد میں بہادر خاتون اکیلی ہی 3 ڈاکوؤں پر بھاری پڑ گئی

فیصل آباد (اردوپوائنٹ اخبار تازہ ترین۔16اکتوبر2019ء) فیصل آباد میں بہادر خاتون اکیلی ہی 3 ڈاکوؤں پر بھاری پڑ گئی۔ عام طور ہمارے ملک میں ڈکیتی اور راہزنی کی وارداتیں بہت بڑھ گئی ہیں۔ لوگ گھروں سے نکلتے ہوئے بھی ڈرتے ہیں کہ راستے میں انکو لوڑنہ لیا جائے۔ بعض لوگ تو قیمتی سامان وغیرہ ساتھ لے کر نکلتے ہی نہیں ہیں۔ لیکن پھر بھی راہزن اکثر ایسے لوگوں کو ڈھونڈ کر لوٹنے میں کامیاب ہو جاتے ہیں جن کے پاس کچھ قیمتی سامان ہوتا ہے۔

فیصل آباد کے علاقہ فیکٹری ایریا میں موٹرسائیکل سوار 3ڈاکوؤں نے ایک خاتون کو اکیلی جاتے دیکھ کر لوٹنے کی کوشش کی۔ 3ڈاکو خاتون کے پاس گئے اور اس سے اسکا پرس اور موبائل فون چھیننے کی کوشش کی لیکن خاتون نے مذاحمت کی تو دھکہ لگنے پر وہ نیچے گر گئی۔

(جاری ہے)

اس کے باوجود خاتون نے ہار نہ مانی اور فوراً سنبھل کر ڈٹ کر مقابلہ کیا اور پرس چھیننے دیا اور نہ ہی موٹرسائیکل سوار ملزم کوفرار ہونے دیا۔

سی سی ٹیوی کیمرے کی فوٹیج میں دیکھا جا سکتا ہے کہ خاتون نے ایک ڈاکو کا گریبان پکڑ لیا۔ خاتون نے مذاحمت کر کے ڈاکوؤں کو اپنا پرس اور فون نہ لےجانے دیا، ایک ڈاکو کو گریبان سے پکڑ کر پولیس کے حوالے کر دیا۔ دونوں ملزمان پستول میں گولی پھنسنے اور چیخ و پکار کے باعث علاقہ مکینوں کے آنے پر اپنے ساتھی کو چھوڑ کر فرار ہو گئے۔ اہل محلہ نے پکڑے گئے ملزم کی خوب درگت بنائی اور پھر پولیس کے حوالے کردیا جبکہ پولیس کا کہنا ہے کہ دیگر ملزمان کی تلاش جاری ہے۔

اس سے قبل ایک خبر سامنے آئی تھی کہ کسی ملک میں ڈاکوؤن نے ایک لڑکی سے اسکا پرس چھیننے کی کوشش کی لیکن اس نے اپنا پرس نہ چھیننے دیا۔ وہ کمزور سی خاتون ڈاکوؤں سے ؒر پڑی اور پرس سے چمٹ کئی لیکن پرس نہ چھوڑا۔ ویڈیو سامنے آنے پر جب خاتون سے اس بہادری کے حوالے سے بات کی گئی تو اس نے بتایا کہ اس کے تھیسز کا سارا ریسرچ کا کام اس کے اس پرس میں تھا اگر وہ مذاحمت نہ کرتی تو اسکی ڈگری خطرے میں پرجاتی، اسنے علم کے لیے لڑائی کی۔