غذرگوپس بازار میں آوارہ کتوں کی بھر مار، شہریوں کا کتوں کی تلفی کا مطالبہ

پیر 27 مئی 2019 18:24

غذر ۔ (اُردو پوائنٹ اخبارتازہ ترین - اے پی پی۔ 27 مئی2019ء) گوپس بازار میں آوارہ کتوں کی بھرمار۔اے سی آفس ،اغاخان ہلتھ سنٹر،سول ہسپتال گوپس ، پی سی او پٹرول پمپ ،مین بازار ،کالج روڑ ,فوجی فاؤنڈیشن ڈسپنسری اور گوپس تھانہ کے ایریا میں شام کو باہر نکلنا نہ صرف مشکل بلکہ ناممکن ہو گیا ہے۔

(جاری ہے)

گوپس بازار میں آوارہ کتوں کے باعث شام کے اوقات میں سلف سودا خرید نے کے لے بازار آنے جانے والے پبلک کے علاؤہ گوپس ،پھنڈر اور یاسین سے مریضوں کو لیکر اغاخان ہسپتال گوپس آنے جانے والوں کو شدید مشکلات درپیش ہے۔

گوپس بازار ایریا میں آوارہ کتوں کی کثرت کی وجہ سے نہ صرف گوپس کے عوام کو مشکلات ہے بلکہ گوپس کے بالائی علاقے پھنڈر اور سب ڈویڑن یاسین آنے جانے والے مسافروں کو بھی ہر وقت پریشانی کاسامنا رہتا ہے۔گوپس اور یاسین کے عوامی حلقوں نے ڈی سی غذر سے مطالبہ کرتے ہوے کہا ہے کہ گوپس بازار میں موجود آوارہ کتوں کو ختم یا کم کرنے کیلے کتا مار مہم کا آغاز کیا جاے۔تاکہ گوپس کے عوام اور دیگر علاقوں سے آنے جانے والے مسافروں کو کتوں کے حوالے درپیش پریشانی کا ختمہ ہوسکیں۔