حافظ آباد پولیس نے انتخابی ضابطہ اخلاق کی خلاف ورزی پر 22مقدمات درج کرلیے

امیدواروں سے مختلف اقسام کا بھاری مقدار میں ناجائز اسلحہ برآمد کرلیا گیا

منگل 17 جولائی 2018 20:32

حافظ آباد(اُردو پوائنٹ اخبارتازہ ترین - آئی این پی۔ 17 جولائی2018ء) حافظ آباد پولیس نے انتخابی ضابطہ اخلاق کی خلاف ورزی پر کاروائی کرتے ہوئے مختلف جماعتوں کے کارکنوں کے خلاف 22مقدمات درج کرلیے ہیں۔ مختلف جماعتوں کے 29کارکنوں کے خلاف مقدمات کے اندراج کے بعد 23کو گرفتار کر لیا گیاہے۔امیدواروں سے سے مختلف اقسام کا بھاری تعداد میںناجائز اسلحہ برآمد کرلیا گیا ۔

برآمد ہونے والے اسلحے میں 2عدد رائفل 223بور، 9عددپسٹل30بور، 1عدد پمپ ایکشن12بور، 1عدد رپیٹر12بور وغیرہ شامل ہیں۔

(جاری ہے)

ملزمان کے خلاف دفعہ 144کی خلاف ورزی، سائونڈ سسٹم آرڈئینس اور آرمز آرڈئینس کے تحت مقدمات کا اندراج کیا گیا۔درج کئے گئے مقدمات میں تھانہ ونیکے تارڑ میں 5، سکھیکی منڈی میں 4، کسوکی میں 5، صدرحافظ آباد میں 3، تھانہ صدر پنڈی بھٹیاں میں 4جبکہ تھانہ سٹی حافظ آباد میں 1مقدمہ درج کیا گیا۔ اس کے علاوہ انتظامیہ کے ساتھ مل کر مشترکہ آپریشن میں ہزاروں بینرز، پینا فلیکس اور بورڈز اتار لیئے گئے۔ ڈی پی او حافظ آباد سیف اللہ خاں کا کہنا تھا کہ ضابطہ اخلاق پر ہر صورت عملدرآمد کروایا جائے گا اور خلاف ورزی پر بلاتفریق کاروائی کی جائے گی۔