ہزارہ زرعی تحقیقی سٹیشن ایبٹ آباد کے تحت محکمہ ریسرچ آئوٹ ریچ کے تعاون سے پنیاں سنٹر میں تربیتی پروگرام کا انعقاد

جمعہ 19 اپریل 2019 12:47

ہری پور (اُردو پوائنٹ اخبارتازہ ترین - اے پی پی۔ 19 اپریل2019ء) ہزارہ زرعی تحقیقی سٹیشن ایبٹ آباد کے تحت محکمہ ریسرچ آئوٹ ریچ کے تعاون سے پنیاں سنٹر ہری پور میں ایک روزہ تربیتی پروگرام کا انعقاد کیا۔ پروگرام میں ہری پور سے تعلق رکھنے والے نرسری مالکان اور اس شعبہ سے منسلک لوگوں کی بڑی تعداد نے شرکت کی۔ اس موقع پر اختر نواز ڈائریکٹر ہزارہ ایگری کلچر و ریسرچ سنٹر مبشر جدون سینئر ریسرچ آفیسر ایبٹ آباد ڈاکٹر مسعود جان، سینئر ڈائریکٹر آئوٹ ریچ پشاور، ان کی ٹیم ہری پور پنیاں مرکز کے انچارج مظہر خان شاہ و دیگر افسران کی بڑی تعداد موجود تھی۔

تربیتی پروگرام میں اختر نواز خان و مبشرجدون نے تصدیق شدہ بیج، پودے، صحیح نسل اور اعلیٰ اقسام پیدا کرنے کیلئے ٹیکنالوجی و جدید آلات کے استعمال پر آگاہی و شعور پیدا کرنے پر زور دیا تاکہ ہری پور و ہزارہ ڈویژن میں اعلیٰ کوالٹی کے باغات لگانے کیلئے ادارہ فیڈرل سیڈ سرٹیفیکیشن سے منظور شدہ اقسام کی کاشت کو ممکن بنایا جا سکے، اس مقصد کیلئے ہری پور کے لوگوں کیلئے فروٹ جرمز پلازمہ یونٹ پنیاں ہری پور میں قائم ہے جس سے نرسری والے استفادہ کر سکتے ہیں۔

(جاری ہے)

پروگرام میں بیماریوں سے بچائو، صحیح نسل اور بیج و پودے کی افادیت وغیرہ پر بھی شرکاء کو مکمل بریفنگ دی گئی اور پروگرام کے آخر میں شرکاء میں سرٹیفکیٹس تقسیم کئے گئے۔