ہارون آباد‘ نہروں کی طویل بندش کے خلاف کاشتکار سراپا احتجاج بن گئے

بدھ 16 فروری 2022 13:16

ہارون آباد (اُردو پوائنٹ اخبارتازہ ترین - این این آئی۔ 16 فروری2022ء) نہروں کی طویل بندش کے خلاف کاشتکار سراپا احتجاج بن گئے،نہر ون آر تھری آر کے کاشتکاروں نے بڑی تعداد میں جمع ہو کر قینچی موڑ پر احتجاج کیا، پانی کے بحران سے گندم کی پیداوار میں نقصان کا اندیشہ ظاہر کیا ہے اور مسائل کے حل کیلئے اقدامات کا مطالبہ کیا،ڈی ایس پی ہارون آباد اور ایس ایچ او تھانہ سٹی ہارون آباد نے فوری طور پر موقع پر پہنچ کر احتجاجی کاشتکاروں کے مسئلے کو سنا اور ان کے حل کیلئے کاشتکاروں نے وفد تشکیل دیا جس نے علاقے کی معروف سماجی سیاسی شخصیات امیدوار چیئرمین ویلج کونسل 77میاں اسد چوہدری۔

اظھارالحق ایڈووکیٹ میاں عدنان چوہدری چوہدری سجاد نمبردار 3ون آر۔

(جاری ہے)

چوہدری علی احمد 2ون آر محمد افضل کمبوہ 15ون آر سمیت دیگر نے اسسٹنٹ کمشنر ہارون آباد فضل الرحمن بلوچ سے تفصیلی بات چیت کی،اسسٹنٹ کمشنر ہارون آباد نے اس سلسلے میں ایکسین ہاکڑہ سے اس ایشو کو سامنے رکھا تاکہ اس پہلو سے پیش رفت کی جاسکے، ایکسین ہاکڑہ نے نہر ون آر تھری آر کے کاشتکاروں کے ایشو پر فوری طور پر اقدامات بروئے کار لاتے ہوئے اگلے تین دن میں نہری پانی کی فراہمی کا وعدہ کیا ہے،اہل علاقہ نے اس پیش رفت پر اطمینان کا اظہار کیا ہے،اہل چکوک نے اس سارے معاملے کو خوش اسلوبی سے حل کرنے کے لیے اس ایشو پر سنجیدگی سے عملدرآمد کیلئے ایکسین ہاکڑہ، اسسٹنٹ کمشنر ہارون آباد، ڈی ایس پی ہارون آباد اور ایس ایچ او تھانہ سٹی ہارون آباد کے اقدامات کی بروقت اور خوش آئند قرار دیا ہے۔