حیدر آباد، بھارتی فوج نے پاکستان پرحملے کی کوشش کی تو چیر کررکھ دیں گے،ملی مسلم لیگ

حیدرآباد(اُردو پوائنٹ اخبارتازہ ترین - آن لائن۔ 25 ستمبر2018ء) ملی مسلم لیگ کے مرکزی رہنماء وزونل زمہ داران نے مشترکہ بیان دیتے ہوئے کہا کہ ہندوستان کی گیدڑبھبکیوں سے ڈرنے والے نہیں پاکستان کی آرمی پاکستان کا دفاع کرنا خوب جانتی ہے ،ہندوستان نے ہمیشہ پاکستان کو نقصان پہنچانے کی کوشش کی مگر اللہ نے ان کی ہر کوششوں کو ناکام کیا ہے ،اسی طرح ہندوستان نے دوبارہ حملہ کرنے کی جسارت کی تو چیر کے رکھ دیں گے،ملی مسلم لیگ کے مرکزی رہناء فیصل ندیم و زونل زمہ داران حافظ محمد انور، اسامہ عسکری ،حنظلہ اشرف، غلام قادر سبحانی نے ہندوستانی چیف آف آرمی اسٹاف کے بیان کے بعد ردِعمل پیش کرتے ہوئے کہا کہ ہم ہندوستانی گیدڑ دھمکیوں سے ڈرنے والے نہیں ہندوستان نے ہمیشہ پاکستان کو کمزور سمجھا ہے مگر یہ اس کی بھول ہے ،پاکستان کا دفاع آج مضبوط ہاتھوں میں ہے پاک فوج اپنا دفاع کرنا جانتی ہے ۔

(جاری ہے)

انہوں نے کہا کہ بھارت امن کی خواہش کو کمزوری نہ سمجھے اگر زبردستی جنگ مسلط کی گئی تو سندھ کا ایک ایک بچہ مل کر ہندوستان کا مقابلہ کرے گاانہوں نے کہا کہ عالمی برادری کو چاہئے کہ بھا ر تی جنگی جنون کا نوٹس لے انہوں نے کہا کہ بھارت اس خو ش فہمی میں نہ رہے کہ وہ جنگ کرے گا اور سندھی بلوچ اس جنگ کا حصہ نہیں بنیں گے مگریہ اس کی خام خیالی ہے ہمیشہ سندھ کے لوگوں نے جب بھی ملک پر مشکل وقت آیاتو اس کے دفاع کیلئے اپنی قربانیاں پیش کی ہیں اورملک کے دفاع کیلئے اپنا کردارادا کیااور اسی طرح حسب روایت ہندوستان نے کشمیری مسلمانوں کا خون بہایا اس نا حق خون کی وجہ سے کشمیر کے اندر آزادی کی تحریک اپنے عروج کو پہنچ چکی ہے وہ وقت دور نہیں جب ہندوستان کے اندر مختلف علاقوں سے مزید آزادی کی تحریکیں جنم لیں گی ہندوستان ٹکڑے ٹکڑے ہوگاتب ہند میں سے کئی پاکستان جنم لیں گے ، انہوں نے کہا کہ وہ وقت دور نہیں کہ مظلوم کشمیریوں کی آہیں اور صدائیں رنگ لائیں گی انہوں نے مزید کہا کہ ہم اپنی دفاع اور سلامتی کے لئے بھرپور کردار ادا کریںگے ملی مسلم لیگ ہندوستان کے خلاف سندھ بھرمیں بھرپور احتجاجی تحریک چلائیں گے اور ہندوستان کے خلاف عوام کی ذ ہن سازی کریں گے انہوں نے کہا کہ ہندوستان نے سندھ کے کسی بھی علاقے پر حملہ کرنے کی جسارت کی تواس کا بھرپور جواب دیا جائے گااور ملی مسلم لیگ سندھ کی عوام کو ہندوستان کے خلاف متحد اور منظم کریگی ۔

تاکہ ہندوستان کی سازشوں سے عوام کو اگاہ کیا جاسکے ۔