بچے مستقبل کے معمار ہیں، کسی بھی ملک و قوم کی ترقی و تعمیر میں بچوں کی تعلیم و تربیت کا کلیدی کردار ہوتا ہے، ڈاکٹر فتح برفت
بدھ 17 اکتوبر 2018 22:55
(جاری ہے)
ان خیالات کا اظہار شیخ الجامعہ سندھ پروفیسر ڈاکٹر فتح محمد برفت نے جامعہ سندھ کے انسٹیٹیوٹ آف آرٹ اینڈ ڈیزائن میں منعقد کیے گئے دو روزہ چوتھے انٹرنیشنل چلڈرنس فلم فیسٹیول جامشورو کی افتتاحی تقریب سے خطاب کرتے ہوئے کیا۔
انسٹیٹیوٹ کے کمیونیکیشن ڈیزائن شعبے کی جانب سے دی لٹل آرٹ لاہور کے تعاون سے منعقد کیے گئے فیسٹیول کی افتتاحی تقریب کو خطاب کرتے ہوئے وائس چانسلر ڈاکٹر برفت نے مزید کہا کہ یہ وقت کا بہت ہی خوبصورت ورجا?ہے۔ گزشتہ سال آج کی تاریخ پر، اسی وقت پر اور اسی ہی حال میں یہی فیسٹیول ہو رہا تھا۔ یہ انسٹیٹیوٹ آف آرٹ اینڈ ڈیزائن اور لٹل آرٹ لاہور کی ٹیم کی ٹائم پلاننگ، کمٹمنٹ، سنجیدگی اور بچوں سے محبت کی ایک خوبصورت اور منفرد مثال ہے۔ ڈاکٹر برفت نے مزید کہا کہ ان دو دنوں کے دوران دنیا کے 29 ممالک کی مختلف موضوعات پر مبنی عالمی معیار کی 72 فلمیں دکھائی جائیں گی، جو کہ یقینا شریک بچوں کی ذہنی نشونما، معلومات میں اضافے سمیت دلچسپی کے حوالے سے بہت فائدہ مند ثابت ہونگی اور بچوں کو مختلف ممالک کی زبانوں، لہجوں، ماحول کو سیکھنے اور سمجھنے میں مدد ملے گی۔ انہوں نے کہا کہ یہ سن کر مجھے بے حد خوشی ہوئی ہے کہ اس فیسٹیول میں دکھائی جانے والی عالمی معیار کی فلموں میں جامعہ سندھ کے طلبائکی بنائی ہوئی فلمیں بھی شامل ہیں۔ یہ اس جامعہ کے طلبائکی صلاحیت، قابلیت و محنت کی واضح مثال ہے۔ وائس چانسلر نے مزید کہا کہ جامعہ سندھ میں زیر تعلیم بچے نہایت قابل اور ذہین ہیں۔ ہر شعبے میں انہوں نے اپنی صلاحیتوں کو منوا کر دکھایا ہے، انہیں صرف مواقع فراہم کرنے کی ضرورت ہے۔ اس موقع پر وائس چانسلر نے ڈین فیکلٹی آف آرٹس اور انچارج ڈائریکٹر انسٹیٹیوٹ آف آرٹ اینڈ ڈیزائن پروفیسر ڈاکٹر رفیق احمد میمن، انسٹیٹیوٹ کے اساتذہ سعید احمد منگی، نعمت اللہ خلجی، حسام الدین میرانی، لٹل آرٹ لاہور کے عمر اعجاز خان اور ان کی ٹیم کو شاندار فیسٹیول منعقد کرانے پر مبارکباد دی۔ قبل ازیں پروفیسر ڈاکٹر رفیق احمد میمن اور سعید احمد منگی نے اپنے خطاب میں تقریب میں شریک تمام مہمانوں کو خوش آمدید کیا اور فیسٹیول کے مقاصد پر روشنی ڈالی اور بتایا کہ چار سال سے مسلسل انٹرنیشنل چلڈرنس فلم فیسٹیول جامشورو منعقد کیا جا رہا ہے۔ اس موقع پر انہوں نے شیخ الجامعہ سندھ پروفیسر ڈاکٹر فتح محمد برفت کی جانب سے اس قسم کے پروگرامز کے سلسلے میں حوصلہ افزائی، مکمل تعاون کرنے پر ان کا شکریہ ادا کیا اور لٹل آرٹ لاہور کے عمر اعجاز خان کے تعاون کا بھی شکریہ ادا کیا۔ تقریب کی مہمان خصوصی ایڈیشنل کمشنر حیدرآباد معمر سالک مرزا نے اپنے خیالات کا اظہار کرتے ہوئے کہا کہ اس قسم کے فیسٹیول بچوں کی تربیت کے ساتھ ان کی ہمت اور حوصلہ افزائی میں اضافہ کرنے میں بھی مددگار ثابت ہوتے ہیں۔ تقریب کے اعزازی مہمان چیف ایڈمنسٹریٹر اوقاف سندھ منور علی مہیسر نے خیالات کا اظہار کرتے ہوئے کہا کہ نیک نیتی اور خلوص دل سے کی گئی ہر کوشش کامیاب ہوتی ہے۔ سعید احمد منگی اور لٹل آرٹ لاہور کے دوستوں نے چار سال پہلے اس فیسٹیول کی صورت میں جو شمع جلائی تھی، وہ اب ایک مشعل کی صورت اختیار کر چکی ہے اور روز بروز شعور کی اس روشنی میں اضافہ ہو رہا ہے۔ تقریب کو خطاب کرتے ہوئے دی لٹل آرٹ لاہور کے عمر اعجاز خان نے کہا کہ اس فیسٹیول کا بنیادی مقصد بچوں کو تفریح کے ساتھ تربیت فراہم کرنا بھی ہے، تاکہ وہ دنیا کے مختلف ممالک کی فلمیں دیکھ کر ایسی فلمیں بنانے کے لیے آگے آئیں اور اس میں کافی کامیابی ملی ہے۔ جامعہ سندھ کے کمیونیکیشن ڈیزائن اور نیوٹیک کے تربیت یافتہ طلبائکی بنائی گئی 8 فلمیں اس فیسٹیول میں شامل کی گئی ہیں۔ انہوں نے تعاون کرنے پر شیخ الجامعہ سندھ اور انسٹیٹیوٹ آف آرٹ اینڈ ڈیزائن کی ٹیم کا بھی شکریہ ادا کیا۔ اس موقع پر فنون لطیفہ کے مختلف شعبوں میں نمایان خدمات سرانجام دیکر ملک و بیرون ملک میں مقبولیت حاصل کرنے والے والی نامور شخصیات بینا بیدل مسرور، ڈاکٹر محمودالحسن مغل، عاشق حسین عاربانی اور فدا حسین بھاگت کو لائف اچیومنٹ ایوارڈز دیئے گئے، جو کہ انہوں نے شیخ الجامعہ سندھ پروفیسر ڈاکٹر فتح محمد برفت سے وصول کیے۔ فیسٹیول کے پہلے روز پاکستان، جرمنی، فرانس، امریکہ، برطانیہ، ناروے، ہالینڈ، ایران اور عراق سمیت مختلف ممالک کی 40 فلمیں دکھائی گئیں۔منعقد کیے گئے تین شوز میں جامعہ سندھ کے مختلف شعبوں کے طلبائو طالبات کے علاوہ سید پناہ علی شاہ ماڈل اسکول جامشورو، پاک ترک اسکول جامشورو سمیت مختلف اسکولوں کے ایک ہزار سے زائد طلبائو طالبات نے شرکت کی۔ اس موقع پر بچوں کو فلم میکنگ کے حوالے سے لیکچر کے ذریعے معلومات بھی دی گئی۔ اس موقع پر آرگنائیزنگ کمیٹی کے ممبران کو یادگار سرٹیفیکٹ بھی دیئے گئے۔ اس تقریب میں جامعہ سندھ کے اساتذہ، طلبائسمیت زندگی کے مختلف شعبوں سے وابستہ نامور شخصیات نے شرکت کی۔ تقریب کی نظامت کے فرائض ڈاکٹر محمود الحسن مغل نے انجام دیئے۔ فیسٹیول آج 18 اکتوبر کو بھی جاری رہے گا، جس میں مختلف ممالک کی فلمیں دکھائی جائیں گی۔حیدرآباد میں شائع ہونے والی مزید خبریں
انسپکٹرجنرل ٹریژریزسندھ کی ڈپٹی کمشنر آفس سانگھڑ میں کھلی کچہری
ڈپٹی کمشنر مٹیاری کا نیشنل ہائی وے پر الخدمت فاؤنڈیشن کے تعلیمی ادارے آغوش کا دورہ
سندھ زرعی یونیورسٹی ٹنڈوجام میں ایگریکلچر انجنیئر سٹوڈنٹس گالا کا انعقاد
نان اور تندوری روٹی کی مقررہ قیمت پر عملدرآمد کو یقینی بنایا جائے،ڈپٹی کمشنر حیدرآباد
آصف علی زرداری کو صدارتی عہدہ سنبھالنے کے بعد سے پاکستان کی خارجہ اور اقتصادی پالیسیوں میں بہتری آئی ..
محکمہ ایکسائز حیدرآبادکی جانب سے شہریوں کو نیا ہدایت نامہ جاری
ڈسٹرکٹ ہیلتھ آفیسر حیدرآباد کا 14سے 30اپریل تک ضلع حیدرآباد میںبچوں میں حفاظتی ٹیکوں کا ہفتہ منانے کا ..
بانی پی ٹی آئی کی اہلیہ بشریٰ بی بی کے ساتھ ناروا سلوک کیخلاف پی ٹی آئی وومن ونگ حیدرآباد کی جانب سے اولڈ ..
سندھ پبلک سروس کمیشن نے جنوری 2024 میں حکومت سندھ کے ماتحت مختلف محکموں میں تحریری امتحان لیا
دنیا کے ہر ترقی یافتہ و ترقی پذیر ممالک میں انسانی ترقی اور عوام کو بنیادی سہولیات فراہم کرنا ان کی حکومت ..
قومی اداروں کی نجکاری ، ملک میں جاری مہنگائی ، بیروزگاری ، بجلی و گیس کے بلز میں روز افزاں اضافہ
ڈپٹی کمشنر حیدرآباد طارق قریشی نے سرکاری ہسپتال پریٹ آباد کا اچانک دورہ ، مریضوں کو فراہم کی جانیوالی ..
حیدرآباد سے متعلقہ
پاکستان کی تازہ ترین خبریں
-
بزنس ایڈوائزری کمیٹی اہم فورم ہے سب کو ساتھ لے کر چلیں گے، چیئرمین سینیٹ
-
وفاقی وزیر احسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس،ناروال سپورٹس سٹی کے نامکمل کام جلد از جلد مکمل کرنے کی ہدایت
-
افغانستان سے پاکستان میں دراندازی کرنیوالے افغان دہشتگرد کے ہوشروبا انکشافات
-
حتساب عدالت نے بانی پی ٹی آئی اور بشریٰ بی بی کو ریاستی اداروں کیخلاف بیان بازی سے روک دیا
-
ہمیں ملیریا کی روک تھام بارے میں آگہی اور باہمی تعاون سے کام کرنے کی ضرورت ہے،وزیراعظم
-
موسم بہار کی شجر کاری مہم،سپیکر قومی اسمبلی نے پارلیمنٹ ہائوس کے سبزہ زار میں میگنولیا گرینڈی فلورا کا پودا لگایا
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں آرمی چیف کی معاونت پر شکر گزار ہوں،وزیراعظم
-
وزیر اعظم کی ایبٹ آباد آمد،شہید کسٹمز انسپکٹر سید حسنین علی ترمذی کے والد اور بچوں سے اظہار تعزیت
-
وزیراعظم کا فرض کی ادائیگی کے دوران جام شہادت نوش کرنے والے افسران اور اہلکاروں کیلئے شہدا پیکیج کا اعلان ، سمگلنگ اور سمگلروں کا قلع قمع کرکے خطہ کو امن کا گہوارہ بنائیں گے ، شہباز شریف
-
روشن ڈیجیٹل اکائونٹس، سمندرپارپاکستانیوں کی ترسیلات زر 7.660 ارب ڈالر، سرمایہ کاری 871 ملین ڈالر ہوگئی
-
فتنہ پارٹی بشری بی بی کی صحت سے متعلق پراپیگنڈہ کر رہی ہے ، عظمی بخاری