خوشحالی بینک نے ڈیجیٹل ٹرانسفارمیشن کے لیے IRIS ادائیگی کے پلیٹ فارم کا انتخاب کر لیا

اسلام آباد (اُردو پوائنٹ اخبارتازہ ترین - این این آئی۔ 20 اگست2018ء) خوشحالی مائیکرو فنانس بینک لمیٹڈ نے تیزی سے فروغ پاتی مائیکرو فنانس مارکیٹ میںا پنا کسٹمر بیس بڑھانے کے لیے صارفین کو جدید خدمات پیش کرنے کے اقدامات بڑھا دیے ہیں۔ بینک نے ڈیجیٹل تبدیلی کی حکمت عملی کے تحت مستقبل میں استعمال ہونے والے ادائیگی کے پلیٹ فارم کی طرف قدم بڑھایا ہے ۔

اس سلسلے میں بینک نے خود کو جدید بینکنگ کے مستقبل کی اہم قوت بنانے کے لییTPS Multi-Channel ادائیگی پلیٹ فارم کا انتخاب کیاہے ۔TPS کے ساتھ نئی اسٹریٹجک شراکت داری سے خوشحالی مائیکرو فنانس بینک IRIS کارڈ مینجمنٹ اور ٹرانزیکشن سوئچنگ پلیٹ فارم سے استفادہ حاصل کر سکے گا۔یہ پلیٹ فارم بینک کی ڈیجیٹل ادائیگی کے بنیادی ڈھانچے کو تبدیل کرے گا اور جدید خدمات کی فراہمی کو تیز بنانے میں مدد دے گا۔

(جاری ہے)

معاہدے کے مطابق ،TPS بینک کوEMV پے پاک ڈیبٹ کارڈ جاری کرنے میں بھی مدد کرے گا۔ پے پاک ڈومیسٹک اسکیم کے تحت ، بینک کو موئثر اورسستی بینکنگ خدمات فراہم کرنے کا اہل ہو گا۔کارڈ ہولڈرز ملک بھر کے تمام 1 لنک فعال ATMs پر نقد رقم حاصل کرسکیں گے۔اس موقع پربات کرتے ہوئے خوشحالی مائیکرو فنانس بینک کے صدر، غالب نشتر نے کہا ''پاکستان کے پہلے اور سب سے بڑے مائیکرو فنانس بینک ہونے کی حیثیت سے ہما را عزم ہے کہ ہم ایسے ماحول کو فروغ دیں جہاں ما ئیکرو فنانس ملک میں خوشحالی لا سکے۔

مضبوط ڈیجیٹل ادائیگی کے پلیٹ فارم کی خدمات سے پاکستان کے مائیکرو فنانس سیکٹر میں آسان ادائیگی کو فروغ ملے گا اور ہمارے تیزی سے بڑھتے ہوئے کسٹمرز کی ضروریات کو پورا کر سکیں گے ۔ TPS کے چیف ایگزیکٹو آفیسر ، شہزاد شاہد نے اس موقع پر اپنے خیالات کا اظہار کرتے ہوئے کہا" پاکستا ن کے سب سے بڑے مائیکرو فنانس بینک کے ساتھ شراکت داری کر کے ہمیں فخر ہے۔ہمارا ادائیگیوں کا جدید پلیٹ فارم IRIS5 ڈیجیٹل مالیاتی خدمات کو متحرک کرکے صارفین کو بہترین کارکردگی فراہم کرتا ہے ۔ TPSُٓپاکستان کے ایک نمایاں مائیکرو فنانس بینک کے ساتھ شراکت داری کر کے پاکستان کے مائیکرو فنانس کے شعبے کی پذیرائی کے لیے کام کرنے کیلئے پر امید ہے۔