وزیرخزانہ اسحاق ڈار نے استعفی نہیں دیا تاہم وزیراعظم نے وزارت خزانہ کا قلم دان سنبھال لیا ہے۔ترجمان وزیراعظم
میاں محمد ندیم ہفتہ 18 نومبر 2017 11:30
(جاری ہے)
یادرہے کہ گزشتہ روز وزیر اعظم شاہد خاقان عباسی کی صدارت میں اعلیٰ سطح کے اجلاس میں فیصلہ کیا گیا ہے کہ محض الزام تراشی کی بنیاد پر اسحاق ڈار کے خلاف سنگین کارروائی عمل میں نہیں لائی جائے گی۔
ذرائع کے مطابق احتساب عدالت کے اسحاق ڈار کے خلاف ناقابل ضمانت وارنٹ گرفتاری کا فیصلہ بھی زیر بحث آیا۔ترجمان وزیر اعظم مصدق ملک نے تصدیق کرتے ہوئے بتایا ہے کہ اسحاق ڈار کی علالت کے باعث رولز کے تحت وزارت خزانہ کا قلمدان پہلے ہی وزیر اعظم کے کنٹرول میں چلا گیا ہے۔انہوں نے کہا کہ خزانہ سے متعلق تمام معاملات وزیر اعظم احسن طریقے سے نبھا رہے ہیں،وزیر اعظم شاہد خاقان عباسی روزانہ کی بنیاد پر خزانہ سے متعلق تمام امور پر بریفنگ لے رہے ہیں۔ترجمان نے مزید کہا کہ وزرا پر الزامات لگائے جاتے ہیں، یوں تو ساری کابینہ کا نام ای سی ایل میں آ جائے گا، تاہم ان کا کہنا تھا کہ اس حوالے سے عدالتی احکامات کا جائزہ لیا جارہا ہے۔قبل ازیں نجی ٹی وی نے ذررائع کے حوالے سے انکشاف کیا تھا کہ وفاقی وزیر خزانہ اور حکمران جماعت کے سربراہ نوازشریف کے سمدھی اسحاق ڈار نے وزارت سے استعفی دے دیا ہے، استعفی کی منظوری کی صورت میں وزیرخزانہ کاقلمدان وزیراعظم کے پاس رہنے کا امکان ہے۔ذرائع کے مطابق اسحاق ڈار نے اپنا استعفی وزیراعظم شاہد خاقان عباسی کو بھجوادیا ہے جس کے بعد وہ سابق وزیر اعظم سے اس پر مشاورت کریں گے۔ذرائع کا کہنا یہ بھی بتانا ہے کہ وزرات خزانہ کےامور،ماہرین کی ایک ٹیم چلائے گی، ماہرین کی ٹیم میں مفتاح اسماعیل،سابق گورنراسٹیٹ بینک ڈاکٹرعشرت حسین اوردیگرشامل ہیں۔قبل ازیں چیئرمین نیب جسٹس(ر) جاوید اقبال نے اسحاق ڈارکانام ای سی ایل میں ڈالنے کی منظوری دی اوراسحاق ڈار کانام ای سی ایل میں ڈالنے کیلئے وزارت داخلہ کوخط لکھا۔نیب نے اسحاق ڈارکے ناقابل ضمانت وارنٹ جاری ہونے کے بعد ان کانام ای سی ایل میں ڈالنے کی منظوری دی۔ اسحاق ڈار پچھلے کچھ عرصہ سے لندن میں مقیم ہیں اوروہ احتساب عدالت کی طلبی پرپیش بھی نہیں ہوئے۔بتایاجارہاہے کہ اسحاق ڈار دل کی تکلیف میں مبتلاہیں جس کے باعث لندن میں ان کاعلاج چل رہاہے۔قبل ازیں حکومتی ذرائع کے حوالے سے خبرسامنے آئی تھی مسلم لیگ نون کے سربراہ نوازشریف نے اپنے سمدھی اسحاق ڈار کو وزارت سے ہٹانے کی منظوری دی تھی۔سرکاری ذرائع نے بتایا کہ موجودہ صورتحال میں حکومت کے پاس اسحاق ڈار کو ان کے عہدے سے ہٹانے کے سوا دوسرا کوئی آپشن موجود نہیں تھا یہ فیصلہ سابق وزیرِاعظم پاکستان اور مسلم لیگ (ن) کے صدر نواز شریف کی رضامندی کے بعد لیا گیاہے۔ایک نجی ٹی وی نے ذرائع کے حوالے سے بتایا ہے کہ مشاورت کے لیے فہرست بھی تیار کی جا چکی ہے جس میں پیپلز پارٹی کے دورِ حکومت میں وزیر خزانہ رہنے والے شوکت ترین اور سابق صدر پاکستان جنرل (ر) پرویز مشرف کے دورِ حکومت میں گورنر سٹیٹ بینک آف پاکستان کے عہدے پر فائز رہنے والے عشرت حسین کے نام سر فہرست ہیں۔حکومتی حلقوں میں یہ اطلاع بھی گردش کررہی ہے کہ پہلے سے ہی 2 وزارتیں رکھنے والے احسن اقبال بھی اس دوڑ میں شامل ہیں اور انہوں نے اپنی خدمات حکمران جماعت کو پیش کی ہیں ۔شوکت ترین نے گفتگو کرتے ہوئے وزیرِ خزانہ یا مشیر خزانہ بنانے کے خیال کو مسترد کرتے ہوئے کہا کہ حکومتی ارکان کی جانب سے مجھ سے اس معاملے پر اب تک رابطہ نہیں کیا گیا ۔انہوں نے کہا کہ اس حوالے سے میرا موقف بالکل واضح ہے، میں وزیرخزانہ یا مشیر نہیں بننا چاہتا لیکن اگر کسی اور معاملے میں کسی کونسل یا کمیٹی کے حوالے سے مجھ سے مدد طلب کی گئی تو میں اس پر غور کروں گا لیکن اس میں یہ دیکھا جائے گا کہ کونسل یا کمیٹی میں مزید کون کون ممبر ہیں۔ذرائع کاکہنا ہے کہ ملک میں اس وقت بیوروکریسی کی صورتحال بھی بے چینی کا شکار ہے۔انہوں نے کہا کہ وزارتِ خزانہ میں موجود کسی بیوروکریٹ میں معاملہ آگے بڑھانے کی ہمت نہیں جس کی وجہ سے یہ فیصلہ تعطل کا شکار ہے جبکہ فیڈرل بورڈ آف ریونیو میں افرا تفری کا عالم ہے کیوںکہ ایف بی آر کے چیئرمین طارق پاشا پریس کو دیئے گئے بیان جیسے چھوٹے چھوٹے معاملات میں بھی اسحاق ڈار سے مشاورت کرتے ہیں۔ طارق پاشا ‘ اسحاق ڈار بہت قریبی ساتھیوں میں تصور کیے جاتے ہیں ۔اسلام آباد میں شائع ہونے والی مزید خبریں
پاکستان کے نامور صداکار اور میزبان طارق عزیز کا یوم پیدائش 28 اپریل کو منایا جائیگا
پاکستان سمیت دنیا بھر میں عالمی یوم رقص 29 اپریل کو منایا جائے گا
حکومت اور اپوزیشن اراکین میں قائمہ کمیٹیوں کی تقسیم کا فارمولا تیار
ہماری قیادت کو یقین تھا کہ بانی پی ٹی آئی اناڑی ہیں، بشیرمیمن
غزہ کی جنگ انٹرنیشنل ورلڈ آرڈر کے لیے ساکھ کی جنگ بن گئی ہے، شیری رحمن
خدشات ہیں شبِ برات پر بشری بی بی کے کھانے میں زہر ملایا گیا،مشال یوسف زئی
چیف جسٹس قاضی فائز عیسیٰ نے پروٹوکول واپس کردیا
جوڈیشل کمپلیکس توڑ پھوڑ کیس میں بانی پی ٹی آئی، پرویز الہی سمیت 172 افراد کے موبائل سے متعلق رپورٹ طلب
شیرافضل مروت کی قصورمیں درج مقدمے میں حفاظتی ضمانت منظور
2023میں پاکستان کو 2 ارب 35 کروڑ ڈالرز فراہم کیے، ایشیائی ترقیاتی بینک
الیکشن کمیشن کا حکم کالعدم، سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
موسم بہار کی شجر کاری مہم ،سپیکر قومی اسمبلی نے پارلیمنٹ ہاؤس کے سبزہ زار میں میگنولیا گرینڈی فلورا ..
اسلام آباد سے متعلقہ
پاکستان کی تازہ ترین خبریں
-
لاہور ہائیکورٹ نے حماد اظہر کی مقدمات کی تفصیلات فراہمی کی درخواست نمٹا دی
-
سپریم کورٹ کا تمام عمارتوں اور سڑکوں سے رکاوٹیں و تجاوزات ہٹانے کا حکم
-
غزہ کی جنگ انٹرنیشنل ورلڈ آرڈر کے لیے ساکھ کی جنگ بن گئی ہے، شیری رحمن
-
خدشات ہیں شبِ برات پر بشری بی بی کے کھانے میں زہر ملایا گیا،مشال یوسف زئی
-
چیف جسٹس قاضی فائز عیسیٰ نے پروٹوکول واپس کردیا
-
جوڈیشل کمپلیکس توڑ پھوڑ کیس میں بانی پی ٹی آئی، پرویز الہی سمیت 172 افراد کے موبائل سے متعلق رپورٹ طلب
-
شیرافضل مروت کی قصورمیں درج مقدمے میں حفاظتی ضمانت منظور
-
2023میں پاکستان کو 2 ارب 35 کروڑ ڈالرز فراہم کیے، ایشیائی ترقیاتی بینک
-
پولیس یونیفارم پہننا جرم ہے جس کی قانون میں سزا ہے،یاسمین راشد
-
سرکاری ادارے ملازمین کو پال رہے، ان کو بٹھا کر تنخواہیں دی جارہی ہیں، چیف جسٹس
-
موسم بہار کی شجر کاری مہم ،سپیکر قومی اسمبلی نے پارلیمنٹ ہاؤس کے سبزہ زار میں میگنولیا گرینڈی فلورا کا پودا لگایا
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال