الیکشن کمیشن نے (ن) لیگ کی پارٹی رجسٹریشن کے خلاف درخواست بحال کر دی ، سماعت اکیس مئی تک ملتوی

سپریم کورٹ کے فیصلے تک کیس موخر کیا تھا، اب آپ کی درخواست بحال کر دی ہے، آپ دلائل دیں،چیف الیکشن کمشنر آج سپریم کورٹ کا حکم نامہ پیش کیا ہے، دلائل کے لیے آئندہ کی تاریخ دی جائے،پاکستان عوامی تحریک کے وکیل کی استدعا

منگل اپریل 15:18

الیکشن کمیشن نے (ن) لیگ کی پارٹی رجسٹریشن کے خلاف درخواست بحال کر دی ..
اسلام آباد (اُردو پوائنٹ اخبارتازہ ترین۔ 03 اپریل2018ء) الیکشن کمیشن نے مسلم لیگ( ن) کی پارٹی رجسٹریشن کے خلاف درخواست بحال کر تے ہوئے کیس کی سماعت اکیس مئی تک ملتوی کر دی، چیف الیکشن کمشنر نے ریمارکس دیئے کہ سپریم کورٹ کے فیصلے تک کیس موخر کیا تھا، اب آپ کی درخواست بحال کر دی ہے، آپ دلائل دیں،پاکستان عوامی تحریک کے وکیل نے کہا آج سپریم کورٹ کا حکم نامہ پیش کیا ہے، دلائل کے لیے آئندہ کی تاریخ دی جائے۔

منگل کو الیکشن کمیشن میں مسلم لیگ (ن) کی پارٹی رجسٹریشن کے خلاف درخواست پرچیف الیکشن کمشنر سردار محمد رضا کی سربراہی میں پانچ رکنی کمیشن نے سماعت کی ۔ پاکستان عوامی تحریک کے وکیل مخدوم نیاز انقلابی الیکشن کمیشن کے سامنے پیش ہو ئے ،وکیل مخدوم نیاز انقلابی نے کہا کہ سپریم کورٹ نے مسلم لیگ ن کی صدارت سے نواز شریف کو نااہل قرار دے چکی ہے۔

(جاری ہے)

ممبر کے پی مسز ارشاد قیصر نے کہا کہ کیا آپ پارٹی سے نواز کا نام آپ ہٹانا چاہتے ہیں۔ چیف الیکشن کمشنر نے کہا کہ سپریم کورٹ کے فیصلے تک کیس موخر کیا تھا۔ اب آپ کی درخواست بحال کر دی ہے۔ آپ دلائل دیں۔ وکیل مخدوم نیاز انقلابی نے کہا کہ آج سپریم کورٹ کا حکم نامہ پیش کیا ہے، دلائل کے لیے آئندہ کی تاریخ دی جائے۔الیکشن کمیشن نے مسلم لیگ( ن) کی رجسٹریشن منسوخی سے متعلق کیس کی سماعت اکیس مئی تک ملتوی کر دی ۔عوامی تحریک کی جانب سے خرم نواز گنڈاپور۔ ابرار حسین اور مخدوم نیاز انقلابی نے مسلم لیگ ن سے نواز شریف کے نام کو ہٹانے سے متعلق درخواست دائر کر رکھی ہے۔

اسلام آباد شہر میں شائع ہونے والی مزید خبریں:

Your Thoughts and Comments