اُردو پوائنٹ پاکستان اسلام آباداسلام آباد کی خبریںارکان پنجاب اسمبلی شہاب الدین سیہڑ، احسن فتیانہ اور احمد شاہ کھگہ کی ..

ارکان پنجاب اسمبلی شہاب الدین سیہڑ، احسن فتیانہ اور احمد شاہ کھگہ کی عمران خان سے ملاقات، پی ٹی آئی میں شمولیت کا اعلان

, قومی خزانے کو شیر مادر کی طرح برتنے والوں سے جواب طلبی ناگزیر ہے، عمران خان , پنجاب کے عوام کو محروم رکھ کر بیرون ملک تجوریاں بننے والوں کا محاسبہ وقت کا تقاضا ہے، چیئرمین پی ٹی آئی

اسلام آباد (اُردو پوائنٹ اخبارتازہ ترین۔ 03 اپریل2018ء)پنجاب اسمبلی کے تین اراکین نے پاکستان تحریک انصاف میں شمولیت کا اعلان کردیا ۔ جاری بیان کے مطابق شہاب الدین سیہڑ، احسن فتیانہ اور احمد شاہ کھگہ نے منگل کو عمران خان سے ملاقات کی اورپی ٹی آئی میں شمولیت کا اعلان کیا ۔ رہنمائوں نے تحریک انصاف کی قیادت اور منشور پر مکمل اعتماد کا اظہار کرتے ہوئے کہا کہ تحریک انصاف قوم کی امیدوں کا محور و مرکز بن چکی ہے۔

عمران خان نے پاکستان کی سیاست میں تبدیلی کی بنیاد رکھی ہے۔پنجاب کے عوام استحصال اور کرپشن سے عاجز آچکے ہیں۔

(خبر جاری ہے)

اراکین پنجاب اسمبلی نے کہا کہ آئندہ انتخابات میں تحریک انصاف پنجاب کی واحد اکثیریتی جماعت بن کر ابھرے گی۔چیئرمین پی ٹی آئی عمران خان نے اراکین اسمبلی کی تحریک انصاف شمولیت کو خوش آمدید کہتے ہوئے کہا کہ ایک خاندان کے ہاتھوں میں مرتکز وسائل چھڑوا کر عوام میں تقسیم کرنے کا وقت ہے۔قومی خزانے کو شیر مادر کی طرح برتنے والوں سے جواب طلبی ناگزیر ہے۔پنجاب کے عوام کو محروم رکھ کر بیرون ملک تجوریاں بننے والوں کا محاسبہ وقت کا تقاضا ہے۔قوم کی لوٹی گئی دولت واگزار کروا کر ہی دم لیں گے۔نظام حکومت کی اصلاح اور عوام کی بہبود پر بھرپور محنت کریں گے۔


اپنی رائے کا اظہار کریں -

اسلام آباد شہر کی مزید خبریں