میرے دور میں ایک بھی شخص غیر ملک کے حوالے نہیں کیا گیا ،ْآفتاب شیر پائو نے جسٹس ریٹائرڈ جاوید اقبال کے بیان کو مسترد کر دیا

اس وقت پاکستان میں جنرل مشرف چیف ایگزیکٹو تھے اور اگر کسی کو غیر ملک کے حوالے کیا گیا تو میرے علم میں نہیں ،ْ انٹرویو

منگل 17 اپریل 2018 19:32

میرے دور میں ایک بھی شخص غیر ملک کے حوالے نہیں کیا گیا ،ْآفتاب شیر پائو نے جسٹس ریٹائرڈ جاوید اقبال کے بیان کو مسترد کر دیا
اسلام آباد (اُردو پوائنٹ اخبارتازہ ترین - این این آئی۔ 17 اپریل2018ء) سابق وزیر داخلہ آفتاب احمد خان شیر پاؤنے جسٹس ریٹائرڈجاوید اقبال کے انکشافات کو بے بنیاد قرار دیتے ہوئے کہاہے کہ ان کے دور میں ایک بھی شخص غیر ملک کے حوالے نہیں کیا گیا۔ ایک انٹرویومیں سابق وفاقی وزیرِ داخلہ آفتاب شیرپاؤ نے جبری گمشدگیوں کی تحقیقات کے کمیشن کے سربراہ جسٹس (ر) جاوید اقبال کے اس بیان کو مسترد کیا ہے کہ ان کے دورِ وزارت میں چار ہزار پاکستانیوں کو دیگر ممالک کے حوالے کیا گیا اور اس کے عوض ڈالرز وصول کیے گئے۔

سابق وزیر داخلہ نے جسٹس (ر) جاوید اقبال کے انکشاف کو بے بنیاد قرار دیتے ہوئے دعویٰ کیا کہ ان کے دور میں ایک بھی شخص غیر ملک کے حوالے نہیں کیا گیا۔انہوںنے کہا کہ میں جاوید اقبال صاحب کے کمیشن میں بھی اس بارے میں بیان دے چکا ہوں کہ اس میں وزارتِ داخلہ کا کوئی کام نہیں تھا اور نہ ہمارے وقت میں ایک شخص بھی کسی کے حوالے کیا گیا اس پہلے جو کمیشن بنا تھا جسٹس ناصرہ جاوید اقبال کی سربراہی میں ،ْاس میں بھی ہم گئے تھے اور یہ بیان دیا تھا ،ْپتا نہیں کہاں سے یہ بندے لے کر آئے ہیں ،ْچار ہزار لوگ کوئی معمولی بات نہیں ،ْبہت بڑی بات ہے۔

(جاری ہے)

ایک شخص بھی کسی اور ملک کے حوالے کرنا ،ْیہ تو خلاف قانون ہے اور یہ ہو ہی نہیں سکتا۔آفتاب شیرپاؤ نے کہا کہ امریکہ میں ستمبر 2001ء کے دہشتگرد حملوں کے بعد جو صورتِ حال پیدا ہوئی ،ْاس وقت پاکستان میں جنرل مشرف چیف ایگزیکٹو تھے اور اگر اس وقت کسی کو غیر ملک کے حوالے کیا گیا تو وہ ان کے علم میں نہیں۔انہوںنے کہاکہ مشرف صاحب نے جو کیا مجھے اس کا علم نہیں ہے۔

شروع میں 9/11 کے بعد جو صورتِ حال تھی اس وقت تو میں نہ وزیرِ داخلہ تھا اور نہ ہماری حکومت تھی۔ اس وقت اگر انھوں (جنرل مشرف) نے دیا ہو تو کسی بنیاد پر دیا ہوگا `وہ ان کا معاملہ ہے۔ انہوںنے کہاکہ 2004ء سے 2007ء تک ایسا واقعہ ہی نہیں ہوا۔ ہم نے کس کو حوالے کرنا تھا اس دوران میں وثوق سے کہہ سکتا ہوں کہ مشرف نے بھی کسی کو حوالے نہیں کیا۔ ان (جنرل مشرف) کے شروع کے دنوں کا مجھے علم نہیں ،ْ اس کے ساتھ میرا کوئی تعلق نہیں۔سابق وزیر داخلہ نے کہا کہ اس بارے میں وزارتِ داخلہ کا ریکارڈ بھی دیکھا جا سکتا ہے۔

متعلقہ عنوان :

اسلام آباد میں شائع ہونے والی مزید خبریں