پی ٹی آئی نے تبدیلی کے نام پر خیبرپختونخوا کا بیڑاغرق کر دیا ،ڈاکٹر نفیسہ شاہ

شاہ محمود پی پی پر تنقید سے قبل اپنے قائد سے پوچھیں کے پی کو پونے تین کھرب روپے کا مقروض کیسے بنا دیا صوبے میں سکول بنانہ کالج، ہسپتال اور نہ ہی کوئی سڑک، بلین ٹری کی آڑ میں کرپشن کی گئی،سیکرٹری اطلاعات

پیر 23 اپریل 2018 21:21

پی ٹی آئی نے تبدیلی کے نام پر خیبرپختونخوا کا بیڑاغرق کر دیا ،ڈاکٹر نفیسہ شاہ

اسلام آباد(اُردو پوائنٹ اخبارتازہ ترین - این این آئی۔ 23 اپریل2018ء) پاکستان پیپلزپارٹی پارلیمنٹیرین کی سیکریٹری اطلاعات اور رکن قومی اسمبلی ڈاکٹر نفیسہ شاہ نے کہا ہے کہ پی ٹی آئی نے تبدیلی کے نام پر خیبرپختونخوا کا بیڑاغرق کر دیا ہے۔ شاہ محمود قریشی پیپلزپارٹی پر تنقید سے قبل اپنے موجودہ قائد عمران خان سے پوچھیں کہ کے پی کو پونے تین کھرب روپے کا مقروض کیسے بنا دیا حالانکہ صوبے میں نہ کوئی سکول بنا، نہ کالج، نہ کوئی ہسپتال اور نہ ہی کوئی سڑک۔

(جاری ہے)

بلین ٹری کی آڑ میں کرپشن کی گئی اور ٹمبر مافیا سے مل کر مہنگی لکڑی چوری کی۔ انہوں نے کہاکہ کے پی میں پی ٹی آئی رہنما وزیراعلیٰ پر کرپشن کے الزامات لگا رہے ہیں۔ حالت یہ ہے کہ کے پی اسمبلی میں موجود پی ٹی آئی کے اراکین بھی عمران نیازی کا مزید ساتھ دینے کے لئے تیار نہیں ہیں۔ ڈاکٹر نفیسہ شاہ نے کہا کہ ہسپتالوں کے حالات یہ ہیں کہ سرکاری ہسپتالوں تک عوام کی رسائی ناممکن بنا دی گئی ہے۔ہسپتالوں کے آپریشن تھیٹروں میں چوہے نظر آتے ہیں۔