بلاول بھٹو زرداری انتخابات میں شفافیت پر بات کرنے سے قبل نواز شریف کا ساتھ دینے پر قوم سے معافی مانگیں ،ْفواد چوہدری

بلاول کی جانب سے کسی نام نہاد سازش کی جانب اشارہ مضحکہ خیز حد تک سطحی سوچ کی عکاس ہے ،ْ پاکستان تحریک انصاف کے ترجمان کابیان

بدھ 18 جولائی 2018 19:32

بلاول بھٹو زرداری انتخابات میں شفافیت پر بات کرنے سے قبل نواز شریف کا ساتھ دینے پر قوم سے معافی مانگیں ،ْفواد چوہدری

اسلام آباد (اُردو پوائنٹ اخبارتازہ ترین - این این آئی۔ 18 جولائی2018ء) پاکستان تحریک انصاف کے مرکزی ترجمان فواد چوہدری نے کہاہے کہ بلاول بھٹو زرداری انتخابات میں شفافیت پر بات کرنے سے قبل نواز شریف کا ساتھ دینے پر قوم سے معافی مانگیں۔اپنے ایک بیان میں فواد چوہدری کا کہنا ہے باعث تعجب ہے کہ جو جماعتیں انتخابات بہتر بنانے کی کوششوں کی عملی مخالف تھیں اب دھاندلی کا واویلا کررہی ہیں، انتخابات میں شفافیت کیلئے عمران خان کی جدوجہد کے سامنے کسی سیاسی قائد یا جماعت کی کوشش عشر عشیر بھی نہیں۔

مسلم لیگ (ن) اور پیپلز پارٹی کو قوم نے مسترد کرنے کا فیصلہ کیا ہے تو اس کی معقول وجوہات ہیں ،ْہم عوامی مینڈیٹ پر ڈاکہ نہیں ڈالنے دیں گے اور قوم نے جو فیصلہ دیا سرِ تسلیم خم کریں گے۔

(جاری ہے)

بلاول بھٹو زرداری کی جانب سے کسی نام نہاد سازش کی جانب اشارہ مضحکہ خیز حد تک سطحی سوچ کی عکاس ہے، وہ سیاست میں نووارد تو ہیں ہی لیکن سیاست سے یکسر نابلد بھی ہیں۔ وہ انتخابات میں شفافیت پر بات کرنے سے قبل نواز شریف کا ساتھ دینے پر قوم سے معافی مانگیں، بلاول کے والد نے نواز شریف سے محبت اور مفاہمت کی خاطر شفافیت کا مطالبہ کرنے کی بجائے انتخابات آلودہ کرنے والی جماعت کا ساتھ دیا، عمران خان انشاء اللہ وزارت عظمیٰ کا منصب بدنام زمانہ ‘‘مفاہمت’’ کے بغیر سنبھالیں گے۔