حکومت سازی، عمران خان کی زیر صدارت اہم امور پر مشاورت

منگل 14 اگست 2018 22:24

حکومت سازی، عمران خان کی زیر صدارت اہم امور پر مشاورت
اسلامآباد (اُردو پوائنٹ اخبارتازہ ترین - آن لائن۔ 14 اگست2018ء) چیرمین پاکستان تحریک انصاف و نامزد وزیر اعظم عمران خان کی زیر صدارت بنی گالہ میں مشاورتی اجلاس، اہم پارٹی رہنماؤں نے اجلاس میں شرکت کی۔ بنی گالہ میں عمران خان کی زیر صدارت مشاورتی اجلاس ہوا۔ ذرائع کے مطابق اجلاس میں سپیکر، ڈپٹی سپیکر کے انتخاب پر تبادلہ خیال ہوا اور وفاقی کابینہ کے ناموں سمیت اہم امور پر مشاورت کی گئی۔

جہانگیر ترین نے آزاد اراکان سے ہونے والے رابطوں پر بریفنگ دی اور بتایا کہ 13 میں سے 9 آزاد ارکان قومی اسمبلی پاکستان تحریک انصاف میں شامل ہوچکے ہیں۔ پی ٹی ئی میں شامل نہ ہونے والے آزاد ارکان میں سے علی نواز شاہ اور اسلم بھوتانی تحریک انصاف کے امیدواروں کو ووٹ دیں گے جبکہ محسن داوڑ اور علی وزیر بھی حمایت کریں گے۔

(جاری ہے)

مشاورتی اجلاس میں جہانگیر ترین، نعیم الحق، اسد عمر، عامر کیانی سمیت دیگر رہنمائ شریک تھے۔

دوسری جانب میڈیارپورٹس کے مطابق بلوچستان عوامی پارٹی تحریک انصاف کے رویے سے نالاں ہے زبیدہ جلال کی زیر صدارت بلوچستان عوامی پارٹی کے ارکان کا اہم اجلاس ہوا۔اسپیکر، ڈپٹی اسپیکر کے انتخابی عمل کا حصہ نہ بننے پر غور شروع کر دیا ہے ۔ ذرائع کا کہنا ہے کہ تحریک انصاف نے بلوچستان عوامی پارٹی کو وفاق میں وزارتوں کی یقینی دہانی نہیں کرائی، اہم عہدوں پر ووٹ دینے کیلئے بلوچستان عوامی پارٹی کے ارکان کا سوچ بچار جاری ہے۔

اسلام آباد میں شائع ہونے والی مزید خبریں