محفوظ ، مستحکم اور کرپشن سے پاک پاکستان بنا کر ہی مروں گا،شیخ رشید

ن)لیگ کی45بندے جانے کی پیش گوئی تھی مگر60 پی ٹی آئی میں چلے گئے آج کہتا ہوں (ن)لیگ میں چند دونوں بعد فارورڈ بلاک سامنے آجائیگا،سربراہ عوامی مسلم لیگ کی گفتگو

منگل 14 اگست 2018 22:42

محفوظ ، مستحکم اور کرپشن سے پاک پاکستان بنا کر ہی مروں گا،شیخ رشید
اسلام آباد(اُردو پوائنٹ اخبارتازہ ترین - آن لائن۔ 14 اگست2018ء) عوامی مسلم لیگ کے سربراہ شیخ رشید احمد نے کہا ہے کہ محفوظ ،مستحکم اور کرپشن سے پاک پاکستان بنا کر مروں گا ہمارے ایک طرف سمندر اور دوسری جانب دشمن ہے ہم نے اسی پاکستان کو بنانا ہے۔ نجی ٹی وی کے پروگرام میںگفتگو کرتے ہوئے شیخ رشید احمد نے کہا کہ ان کو انگوٹھیاں پہنے کی عمر گزر چکی ہے۔

(جاری ہے)

کراچی کا ایک شہری انگوٹھیوں کے 3 لاکھ دے رہا ہے شاہد وہ اس کا نام لے کر بیچ دیں انہوںنے کہا ہے کہ پاکستان کے نوجوانون بوڑھے اور بچے ان کے ساتھ ہیں خدا نے ان سے جو کام لینا ہے وہ کر کے رہیں گے ان کا کہنا تھا کہ کرپشن سے پاک محفوظ مضبوط اور مستحکم پاکستان بننے کے بعد وہ مریں گے شیخ رشید احمد نے کہا کہ ہمارے ایک طرف سمندر اور دوسری طرف دشمن ہے ہم نے اسی پاکستان کو بنانا ہے اور اسی کو بنائیں گے انہوںنے کہا کہ مسلم لیگ ن اقتدار کے بغیر نہیں رہ سکتی میں نے پہلے کہا تھا کہ 45 بندے جا رہے ہیں تو میرا مذاق اڑایا گیا 45 کے بجائے 60 بندے تحریک انصاف میں گئے آج کہتا ہوں فارورڈ بلاک بنے گا اور چند دنوں میں سامنے آ جائے گا۔

اسلام آباد میں شائع ہونے والی مزید خبریں