نیب نے نواز شریف، مریم نواز اور کیپٹن (ر) صفدر کی ضمانت کی درخواستوں پر اپنا جواب اسلام آباد ہائیکورٹ میں جمع کرا دیا

مجرمان کو جس سیکشن کے تحت سزا ہوئی وہ ناقابل ضمانت ہے، نواز شریف پر عوامی عہدہ رکھ کر آمدن سے زائد اثاثے بنانے کا جرم ثابت کیا ،ْدرخواست ضمانت مسترد کی جائے ،ْ نیب کا جواب

ہفتہ 18 اگست 2018 14:57

نیب نے نواز شریف، مریم نواز اور کیپٹن (ر) صفدر کی ضمانت کی درخواستوں پر اپنا جواب اسلام آباد ہائیکورٹ میں جمع کرا دیا

اسلام آباد(اُردو پوائنٹ اخبارتازہ ترین - این این آئی۔ 18 اگست2018ء) قومی احتساب بیورو (نیب)نے سابق وزیراعظم نواز شریف، مریم نواز اور کیپٹن (ر) صفدر کی ضمانت کی درخواستوں پر اپنا جواب اسلام آباد ہائیکورٹ میں جمع کرا دیا۔ گزشتہ روز نیب کے ڈپٹی پراسیکیوٹر جنرل سردار مظفر نے نوازشریف، مریم نواز اور کیپٹن ریٹائرڈ صفدر کی ضمانتوں سے متعلق کیس میں جواب عدالت عالیہ میں جمع کرایا۔

(جاری ہے)

نیب کی جانب سے موقف اپنایا گیا کہ مجرمان کو جس سیکشن کے تحت سزا ہوئی وہ ناقابل ضمانت ہے، نواز شریف پر عوامی عہدہ رکھ کر آمدن سے زائد اثاثے بنانے کا جرم ثابت کیا، مریم نواز اور کیپٹن (ر) صفدر نے نواز شریف کے اثاثے چھپانے میں معاونت کی، مجرمان کے خلاف ٹھوس شواہد عدالت میں پیش کیے، جس کی بناء پر احتساب عدالت نے سزائیں سنائیں۔نیب نے استدعا کی ہے کہ کہ نواز شریف سمیت دیگر مجرمان کی درخواست ضمانت ناقابل سماعت ہے، نوازشریف، مریم اورصفدر کی درخواست ضمانت مسترد کی جائے۔