اُردو پوائنٹ پاکستان اسلام آباداسلام آباد کی خبریںسپیکر اسد قیصر کا قومی اسمبلی سیکرٹریٹ کے مختلف دفاتر کا دورہ، بجٹ ..

سپیکر اسد قیصر کا قومی اسمبلی سیکرٹریٹ کے مختلف دفاتر کا دورہ،

بجٹ اور اخراجات کی تفصیلات طلب کر لیں , قومی اسمبلی سیکرٹریٹ کے ملازمین کو وزیراعظم کے کفایت شعاری کے وژن پر عملدرآمد کرتے ہوئے جس حد تک ممکن ہو اخراجات کم کرنے کی ہدایت , قومی اسمبلی کی لائبریری کو اپ گریڈ کرنے کے لئے ضروری اقدمات اٴْٹھائے جائیں گے، اسد قیصر

اسلام آباد ۔ (اُردو پوائنٹ اخبارتازہ ترین۔ 20 اگست2018ء) سپیکر قومی اسمبلی اسد قیصر نے قومی اسمبلی سیکرٹریٹ کے ملازمین کو ہدایت کی ہے کہ وزیراعظم کے کفایت شعاری کے وژن پر عمل درآمد کرتے ہوئے جس حد تک ممکن ہو اخراجات کم کئے جائیں جبکہ سپیکر نے قومی اسمبلی سیکرٹریٹ کے بجٹ اور اخراجات کی تفصیلات طلب کر لیں۔ پیر کو سپیکر قومی اسمبلی اسد قیصر نے قومی اسمبلی سیکرٹریٹ کے اعلیٰ افسران کے ہمراہ قومی اسمبلی سیکرٹریٹ کے مختلف دفاترکا دورہ کیا۔

اس موقع پر سپیکر نے قومی اسمبلی کے افسران کووزیراعظم کے کفایت شعاری کے ویژن پر عمل درآمدکرنے اور سیکرٹریٹ کے اخراجات کو کم کرنے کی ہدایت کی اور کہا کہ تمام غیر ضروری اخراجات سے اجتناب کیا جائے۔ انہوں نے قومی اسمبلی کی لائبریری اورشعبہ تحقیق کا بھی دورہ کیا اور افسران کو ہدایات دیں کہ اراکین قومی اسمبلی کو قانون سازی کے ہر ممکن معاونت فراہم کی جائے۔

(خبر جاری ہے)

اسد قیصر نے کہا کہ لائبریری اور شعبہ تحقیق کسی بھی ملک کی پارلیمان میں اراکین پارلیمنٹ کو قانون سازی میں معاونت فراہم کرنے کے لئے کلیدی اہمیت کے حامل ہوتے ہیں۔ انہوں نے کہا کہ قومی اسمبلی کی لائبریری کو اپ گریڈ کرنے کے لئے ضروری اقدمات اٴْٹھائے جائیں گے۔ سپیکر نے قومی اسمبلی میں موجود وفاقی وزراء کے چیمبرزکا دورہ اور سہولیات کا جائزہ لیا۔ قومی اسمبلی کے اعلیٰ افسران نے سپیکر کو قومی اسمبلی کے مختلف شعبوں کے کام کے حوالے سے بریفنگ دی۔

اپنی رائے کا اظہار کریں -

اسلام آباد شہر کی مزید خبریں