اُردو پوائنٹ پاکستان اسلام آباداسلام آباد کی خبریںکتاب کی ناکامی کے بعد ریحام خان کا ایک بار پھر میدان میں آنے کا اعلان وزیر ..

کتاب کی ناکامی کے بعد ریحام خان کا ایک بار پھر میدان میں آنے کا اعلان

وزیر اعظم عمران خان کی سابقہ اہلیہ فیس بک پر ''440 وولٹس ود ریحام خان'' کے نام سے لائیو شوکیا کریں گی

لندن(اردو پوائنٹ تازہ ترین اخبار- 18ستمبر 2018ء ):
وزیر اعظم عمران خان کی سابقہ اہلیہ ریحام خان نے کتاب کی ناکامی کے بعد سوشل میڈیا کا سہارا لینے کی ٹھان لی، فیس بک پر ''440 وولٹس ود ریحام خان'' کے نام سے لائیو شوکیا کریں گی۔تفصیلات کے مطابق وزیر اعظم عمران خان کی اہلیہ ریحام خان نے کچھ عرصہ قبل ایک کتاب تحریر کی۔گو کہ انکا کہنا یہ تھا کہ انکی یہ کتاب محض انکی زندگی کے نشیب و فراز کے حوالے سے مکمل تحریر ہے لیکن اس کتاب کے مندرجات نے اس کتاب کو منظر عام پر آنے سے پہلے ہی متنازعہ بنا دیا۔

اس کتاب میں پاکستان کی معروف اور ہر دلعزیز شخصیات پر کیچڑ اچھالا گیا اور ان کی کردار کشی کی گئی جس پر ریحام خان کو شدید ردعمل کا سامنا بھی کرنا پڑا اور وہ پاکستان چھوڑ کر لندن چلی گئیں۔

(خبر جاری ہے)

جن شخصیات کو بدنام کرنے کی کوشش کی گئی ان میں وسیم اکرم ،اداکارہ ریشم ،حمزہ علی عباسی اور کم و بیش وزیر اعظم عمران خان کے تمام ساتھی شامل ہیں۔اس کتاب کے حوالے سے کہا جاتا ہے کہ یہ کتاب وزیر اعظم کی سابقہ اہلیہ نے مسلم لیگ ن کے کہنے پر لکھی اور انہیں اس معاملے میں مسلم لیگ ن کی آشیرباد حاصل تھی۔

یہ الگ بات ہے کہ مسلم لیگ ن اس بیانیے کی مخالفت کرتی آئی ہے۔اس کتاب کے حوالے سے یہ بات بھی قابل ذکر ہے کہ یہ کتاب اس طرح سے اثر انداز نہیں ہوسکی جیسے اسکا تصور کیا جارہا تھا۔دوسرے الفاظ میں اسے فلاپ بھی کہا جاسکتا ہے کیونکہ یہ نہ تو عمران خان کی سیاسی ساکھ پر اثر انداز ہوتے ہوئے انکے الیکشن جیتنے پر اثر انداز ہوئی اور نہ اسکا فائدہ مسلم لیگ ن سمیت وزیر اؑطم کے دیگر مخالفین کو ہوا بلکہ یہ کہنا بے جا نہ ا کہ یہ کتاب بر طرح پٹ گئی۔

تاہم اس حوالے سے تازہ ترین خبر یہ ہے کہ وزیر اعظم عمران خان کی اہلیہ نے کتاب کے پٹ جانے کے بعد اب ایک بار پھر منظر عام پر آنے کا فیصلہ کیا ہے اور اس مرتبہ وہ اپنا پیغام پہنچانے کے لیے سوشل میڈیا کا سہارا لیں گی۔
اس سلسلے میں بتایاجا رہا ہے کہ ریحام خان نے فیس بک پ لائیو شو کرنے کا فیصلہ کیا ہے اور اس شو کا ںام بھی 440 وولٹس ود ریحام خان ہے۔اس فیس بک لائیو شو کے نام سے ظاہر ہے کہ اس شو کا مواد بھی کم و بیش کتاب ہی جیسا ہوگا۔تاہم ریحام خان کا یہ شو کامیاب ہو گا یا پھر کتاب ہی کی طرح ایک بے اثر کوشش ثابت ہوگا اسکا اندازہ تو شو دیکھنے کے بعد ہی کیا جاسکے گا۔تاہم عوام اب کتاب کے بعد شو کے حوالےسے کیا رائے رکھتی ہے اس حوالے سے جلد معلوم ہو جائے گا۔

اپنی رائے کا اظہار کریں -

اسلام آباد شہر کی مزید خبریں