اُردو پوائنٹ پاکستان اسلام آباداسلام آباد کی خبریںالیکشن کمیشن نے حلقہ این اے 13 مانسہرہ I کے کچھ پولنگ سٹیشنوں پر دوبارہ ..

الیکشن کمیشن نے حلقہ این اے 13 مانسہرہ I کے کچھ پولنگ سٹیشنوں پر دوبارہ پولنگ کرانے سے متعلق معاملہ کی سماعت یکم اکتوبر تک ملتوی کر دی

اسلام آباد ۔ (اُردو پوائنٹ اخبارتازہ ترین۔ 19 ستمبر2018ء) الیکشن کمیشن نے قومی اسمبلی کے حلقہ این اے 13 مانسہرہ I کے کچھ پولنگ سٹیشنوں پر دوبارہ پولنگ کرانے سے متعلق معاملہ کی سماعت یکم اکتوبر تک ملتوی کر دی، سماعت کے دوران حلقہ این اے 13 مانسہرہ سے کامیاب رکن قومی اسمبلی صالح محمد الیکشن کمیشن کے سامنے پیش نہ ہو سکے۔

(خبر جاری ہے)

بدھ کو الیکشن کمیشن نے قومی اسمبلی کے حلقہ این اے 13 مانسہرہ I سے کچھ پولنگ سٹیشنوں پر دوبارہ پولنگ کرانے سے متعلق معاملہ پر چیف الیکشن کمشنر جسٹس (ر) سردار محمد رضا خان کی سربراہی میں 2 رکنی بنچ نے سماعت کی۔

درخواست گزار سردار شاہجہاں یوسف کے وکیل عامر جاوید الیکشن کمیشن کے سامنے پیش ہوئے تاہم این اے 13 سے پاکستان تحریک انصاف کے رکن قومی اسمبلی صالح محمد اور ان کے وکیل الیکشن کمیشن کے سامنے پیش نہ ہو سکے جس کی بنیاد پر کیس کی سماعت یکم اکتوبر تک ملتوی کر دی گئی۔ واضح رہے کہ الیکشن کمیشن نے 5 ستمبر کو حلقہ سے کامیاب رکن قومی اسمبلی صالح محمد اور ریٹرننگ افسر کو نوٹس جاری کئے تھے۔

اپنی رائے کا اظہار کریں -

اسلام آباد شہر کی مزید خبریں