بھارتی آرمی چیف کو سیاسی آلہ کے طورپر بیان بازی سے پرہیز کر نا چاہیے ،ْ وزیر اطلاعات چوہدری فواد

دنیا دیکھ رہی ہے کہ کون امن اور کون جنگ چاہتا ہے ،ْہم نے امن کیلئے پہلے ہاتھ آگے بڑھایا تھا ،اب بھی امن کیلئے کوششیں جاری رکھیں گے ،ْ وزیر اطلاعات کا بیان

ہفتہ 22 ستمبر 2018 20:30

بھارتی آرمی چیف کو سیاسی آلہ کے طورپر بیان بازی سے پرہیز کر نا چاہیے ،ْ وزیر اطلاعات چوہدری فواد

اسلام آباد(اُردو پوائنٹ اخبارتازہ ترین - این این آئی۔ 22 ستمبر2018ء) وزیراطلاعات و نشریات چوہدری فواد حسین نے بھارتی آرمی چیف کا دھمکی آمیز بیان پر رد عمل کا اظہار کرتے ہوئے کہا ہے کہ دنیا دیکھ رہی ہے کہ کون امن اور کون جنگ چاہتا ہے ہم نے امن کیلئے پہلے ہاتھ آگے بڑھایا تھا ،اب بھی امن کیلئے کوششیں جاری رکھیں گے ،ْ بھارتی آرمی چیف کو سیاسی آلہ کے طورپر بیان بازی سے پرہیز کر نا چاہیے ۔

ایک انٹرویو میں وزیر اطلاعات نے کہا کہ پاکستان اور بھارت دونوں ایٹمی طاقتیں ہیں ،ْجنگ نہیں ہو سکتی ۔انہوںنے کہا کہ پاکستان اور بھارت میں مسائل کا واحد حل مذاکرات ہیں ۔ وزیر اطلات نے کہا کہ دونوں ممالک کے درمیان امن کروڑوں عوام کے فائدے میں ہے ۔ وزیر اطلاعات نے کہا کہ دنیا دیکھ رہی ہے کہ کون امن اور کون جنگ چاہتا ہے انہوں نے کہا کہ ہم نے پہلے امن کیلئے ہاتھ آگے بڑھایا تھا ہم اب بھی امن کیلئے کوششیں جاری رکھیں گے ۔

(جاری ہے)

وزیراطلاعات نے کہا کہ پر امن ملک کی حیثیت سے پاکستان امن کا خواہاں ہے ۔انہوںنے کہاکہ بھارتی آرمی چیف کا بیان نامناسب ہے ،ْبھارتی آرمی چیف کو سمجھنا چاہئے کہ وہ بھارتیا جنتا پارٹی کے سربراہ نہیں ۔ انہوں نے کہا کہ بھارتی آرمی چیف سیاسی آلہ کار کے طور پر بیان بازی سے پرہیز کرے