اپوزیشن تجاویز دے ہم اس پر عمل کر نے کیلئے تیار ہیں ، پرویز خٹک
لوگ ہم پر ہنس رہے ہیں ،پچھلے پانچ ماہ سے کوئی کام نہیں ہوا ، تنقید سیاسی عمل ہے ،تنقید برائے تنقید نہیں ہونی چاہیے ، اسمبلی میں اظہار خیال سندھ کو نوے ارب دینے میں کوئی بدنیتی نہیں ہے ،بیٹھ کر مسئلہ حل کرلیں گے ، حماد اظہر قائدایوان ایک ٹوئٹ پر پارلیمنٹ چلانا چاہتے ہیں ، ملک بھی ایسے ہی چلانا چاہتا ہے ،پانچ ماہ میں وزیر اعظم کتنی بار ایوان میں آئے خورشید شاہ
جمعرات 17 جنوری 2019 20:22
(جاری ہے)
انہوکںنے کہاکہ میں اپنے لئے پریشان نہیں ہوں،نیب کو کہاہے کہ ریفرنس بناؤ تاکہ عدالت میں ثابت ہوسکے کیا درست اور کیا غلط تھا ۔
سعد رفیق نے کہاکہ اپوزیشن پہلی بار متحد نہیں ہوئی ہے، پہلے بھی متحد ہوتی رہی ہے ۔ انہوںنے کہاکہ انشااللہ پی ٹی آئی بھی جلد وہاں آئے گی جہاں پیپلز پارٹی اور ن لیگ کھڑی ہے ۔سعد رفیق نے کہا کہ اپوزیشن کے اتحاد سے ڈریں نہیں یہ آپ کے لئے نیک فعال ہے ۔ انہوکںنے کہاکہ ہم آپ کے مینڈیٹ کو نہیں مانتے مگر آپ کی حکومت کو نہیں گرائیں گے انہوںنے کہاکہ کیونکہ نہیں چاہتے کہ نظام متاثر ہو، ہر دوچار ماہ بعد آپ کو باور کراتے رہیں گے ۔ سعد رفیق نے کہاکہ ہم جمہوری، قانونی اور آئینی حق استعمال کرتے ہوئے آپ کو آئینہ دکھاتے رہیں گے سعد رفیق نے کہا کہ پارلیمنٹ ابھی تک خود مختار نہیں ہوئی، جس کی وجہ گالم گلوچ، الزام تراشی ہے ۔سعد رفیق نے کہاکہ گالم گلوچ ختم نہیں کرسکتے تو اسے کم ضرور کرلیں ۔ سعد رفیق نے کہاکہ شیخ رشید اور چوہدری برادران کے خلاف جو کچھ پی ٹی آئی نے الفاظ استعمال کیے وہ بھی ریکارڈ کا حصہ ہیں ۔ انہوںنے کہاکہ جو آپ کے ٹکٹ پر لڑ کر آئے وہ ہمیں آپس میں لڑانے کی کوشش کررہے ہیں ۔انہوںنے کہاکہ آپ شاہ محمود، پرویز خٹک کی بات ہی سن لیں۔ سعد رفیق نے کہاکہ ہم نہیں چاہتے کہ عمران خان کو نواز شریف اور یوسف گیلانی کی طرح نکالا جائے ۔ انہوںنے کہاکہ وزیراعظم سے شدید ناراض ہوں لیکن مشورہ اچھا دونگا ۔ انہوںنے کہاکہ آپ کی حکومت کو پانچ ماہ ہوچکے ہیں اب کنٹینرز سے اتر آئیں۔ اسمبلی کے اجلاس کے دور ان اظہار خیال کرتے ہوئے وزیر دفاع پرویز خٹک نے کہاکہ یہ ایون تبھی چلے گا کہ ہم ایک دوسرے کو ساتھ لیکر چلیں ۔ انہوںنے کہاکہ تجاویز دیں ہم اس پر عمل کرنے کے لئے تیار ہیں ۔ انہوںنے کہاکہ اس وقت جو کچھ ہورہا ہے اس پر سارے ملک میں لوگ ہم پر ہنس رہے ہیں ۔انہوںنے کہاکہ پچھلے پانچ ماہ سے کوئی کام نہیں ہوا ۔انہوںنے کہاکہ تنقید سیاسی عمل ہے لیکن وہ تنقید برائے تنقید نہیں ہونی چاہئے۔سید نوید قمر نے کہاکہ سندھ کو این ایف سی میں سے ملنے والا حصہ مانگنے کے باوجود نہیں دیا جارہا ،تین فیصد فاٹا کو حصہ تب ہی ملے گا جب این ایف سی ایوارڈ طے کرے گا ۔ انہوںنے کہاکہ جب تک طے نہیں کرتا اس وقت تک پرانے حصے ہی ملیں گے ۔ وزیر مملکت حماد اظہر نے کہا کہ سندھ کو نوے ارب دینے میں کوئی بدنیتی نہیں ہے ،بیٹھ کر مسئلہ حل کرلیں گے۔ سید خورشید شاہ نے کہاکہ قائدایوان ایک ٹوئٹ پر پارلیمنٹ چلانا چاہتے ہیں ،وہ ملک بھی ایسے ہی چلانا چاہتا ہے ،پانچ ماہ میں وزیر اعظم کتنی بار ایوان میں آئے ۔ انہوںنے کہاکہ نکال لیں ہمارے دونوں کے ادوار میں پانچ ماہ میں کتنی قانون سازی ہوئی تھی ۔ سید خورشید شاہ نے کہاکہ عمران خان ہماری حکومتوں میں تو پارلیمان کو جعلی پارلیمنٹ قرار دیتے تھے نہیں آتے تھے ۔ انہوںنے کہاکہ کیا اب بھی وہ پارلیمان کو جعلی سمجھتے ہیں کہ نہیں آتے۔پارلیمانی امور علی محمد خان نے کہاکہ جب سے حکومت آئی کوشش کی ہے کہ ایسی بات نہ کروں جو اخلاق سے گری ہوئی ہو،اپوزیشن بینچز پر بیٹھ کر کبھی قائد ایوان کی توہین نہیں کی ۔انہوںنے کہاکہ نوازشریف جب وزیراعظم بنے تو میں نے نوازشریف کی نشست پر جاکر ان سے مبارک باد دی ۔انہوںنے کہاکہ نوازشریف اپنی نشست پر بیٹھ کر ہاتھ ملایا ،انہوںنے کہاکہ ہم کٹی پتنگ نہیں نہ ہی پانی میں بہہ کر آئے ہیں۔انہوںنے کہاکہ ایک جدوجہد کے بعد اس منصب پر پہنچے ہیں۔ خورشید شاہ نے کہا کہ آپ کو کس نے روکا کہ آپ قانون سازی نہ کریں، ہماری اور ن لیگ کی پانچ مہینے کی کارکردگی نکال کر جائزہ لے لیں کتنی قانون سازی اس دور میں ہوئی ۔انہوںنے کہاکہ اس پارلیمنٹ کو ماضی میں وہ جعلی کہتے رہے لیکن کیا آج بھی وہ حقیقی طور پر جعلی سمجھتے ہیں، اس وجہ سے ٹوئٹ پہ جاتے ہیں ۔انہوںنے کہاکہ بتائیں تو سہی پچاس لاکھ گھر اور ایک کروڑ نوکریاں کہاں ہیں انہوںنے کہا کہ قرضے نہ لینے کے دعویدار کے قول و فعل میں تضاد لیکن عوام مہنگائی کی وجہ سے خود کشیاں کررہے ہیں ۔انہوںنے کہاکہ پانچ ماہ میں حکومت کوئی ایک کارنامہ تو بتائے ۔انہوںنے کہاکہ متفقہ مطالبہ کرتے ہیں لیڈر کو اس ایوان میں لائیں ۔ خورشید شاہ نے کہاکہ وزیراعظم اس ایوان کو ماننے کو تیار نہیں ہیں ،وہ اپنے آفس کو تو انجوائے کرتے ہیں مگر اس ایوان میں نہیں آتے۔ وزیر پارلیمانی نے کہاکہ بلاول بھٹو کو دیکھ کر اس بات کا دکھ ضرور ہوتا ہے کیونکہ انہوں نے ماں کھوئی ہے ایسا ہی دکھ مراد سعید کا بھی ہے کیونکہ سوات آپریشن سے متاثر ان کی والدہ ہوئیں۔متعلقہ عنوان :
اسلام آباد میں شائع ہونے والی مزید خبریں
رحمان بابا ایکسپریس کے میر پور ماتھیلو ریلوے سٹیشن پر عارضی سٹاپ میں مزید 3ماہ کی توسیع
تحریک انصاف کی پانچ فرنچائز ہیں ہر کسی کا اپنا مؤقف ہے
اسلام آباد، ڈی آئی جی آپریشنز کا سوشل میڈیا پر وائرل ویڈیو کا نوٹس، اے ایس آئی معطل
ملت ایکسپریس کے باندھی ریلوے سٹیشن پر سٹاپ میں 3ماہ کی توسیع
شہبازشریف نے نواز شریف کو دھوکا دے کر وزارت عظمٰی چھین لی، لطیف کھوسہ
عمران خان نے حامد رضا کو پبلک اکاؤنٹس کمیٹی کے چیئرمین کے عہدے کے لیے نامزد کردیا
190 ملین پاؤنڈز کیس: عمران خان کی درخواست ضمانت پر سماعت 29 اپریل تک ملتوی
پاکستان اور ایران کا اقتصادی تعاون کو تیز کرنے، اقتصادی اور تکنیکی ماہرین، چیمبرز آف کامرس کے وفود ..
وزیراعلیٰ خیبرپختونخوا کہتے ہیں ہم مخصوص نشستوں پر حلف نہیں لینے دیں گے، فیصل کریم کنڈی
اگر پارلیمان میں گالی گلوچ کی سیاست ہوگی تو یہ عوام کے ساتھ زیادتی ہوگی
کامسٹیک کا یوگنڈا میں نیورولوجی پر2 روزہ سرٹیفکیٹ کورس کا انعقاد
سپیکر قومی اسمبلی سے پرتگال کے سفیر کی ملاقات، دونوں ممالک کے تعلقات مزید مستحکم بنانے کے عزم کا اعادہ
اسلام آباد سے متعلقہ
پاکستان کی تازہ ترین خبریں
-
وزیراعظم شہا ز شریف کی مزار قائد پر حاضری، پھول چڑھائے اور فاتحہ خوانی کی
-
گزشتہ 4سال نئی اسکیمز میں وفاق نے سندھ کو نظر انداز کیا، وزیر اعلی سندھ کا وزیراعظم سے شکوہ
-
تیز رفتار کار فٹ پاتھ پر سوئے افراد پر چڑھ گئی، 6 افراد زخمی
-
ایران کے صدرڈاکٹرابراہیم رئیسی دورہ پاکستان مکمل کرکے واپس روانہ
-
بیوی سے پریشان ہو کر خودکشی کا ڈرامہ کرنے والا شوہر زیر حراست
-
ایرانی صدر نے امید ظاہر کی کہ ایم او یوز پر شہباز اسپیڈ سے کام ہو گا: گورنرسندھ
-
وزیراعظم کا کراچی کے لیے 150 بسیں دینے کا اعلان
-
معاشی استحکام کے لیے وفاق اور صوبوں کو مل کر کام کرنا ہوگا،وزیراعظم
-
وزیراعظم کی وزیراعلی سندھ کو صوبے کے مالی مسائل حل کرنے کی یقین دہانی
-
شہبازشریف نے نواز شریف کو دھوکا دے کر وزارت عظمٰی چھین لی، لطیف کھوسہ
-
عمران خان نے حامد رضا کو پبلک اکاؤنٹس کمیٹی کے چیئرمین کے عہدے کے لیے نامزد کردیا
-
190 ملین پاؤنڈز کیس: عمران خان کی درخواست ضمانت پر سماعت 29 اپریل تک ملتوی