آرمی چیف سے سعودی رائل آرمی کے وفد نے ملاقات دو طرفہ دفاعی تعاون سے متعلق امور پر تبادلہ خیال

بدھ 23 جنوری 2019 21:05

اسلام آباد (اُردو پوائنٹ اخبارتازہ ترین - این این آئی۔ 23 جنوری2019ء) آرمی چیف جنرل قمر باجوہ سے سعودی رائل آرمی کے وفد نے ملاقات کی ، جیو اسٹریٹیجک صورتحال پر تبادلہ خیال کیا گیا ،ْ دو طرفہ دفاعی تعاون سے متعلق امور بھی زیر بحث آئے۔بدھ کو آئی ایس پی آر کے مطابق آرمی چیف جنرل قمر جاوید باجوہ سے سعودی رائل آرمی کے وفد نے ملاقات کی۔

سعودی وفد کی قیادت چیف آف جنرل اسٹاف جنرل فیاد بن حمد الروالی نے کی۔

(جاری ہے)

ملاقات میں جیو اسٹریٹیجک صورتحال پر تبادلہ خیال کیا گیا۔ ملاقات میں دو طرفہ دفاعی تعاون سے متعلق امور بھی زیر بحث آئے۔ سعودی جنرل نے رائل سعودی آرمی کو تربیت دینے پر پاک فوج کا شکریہ ادا کیا۔ سعودی چیف آف جنرل اسٹاف نے پاک فوج کے اعلیٰ پیشہ ورانہ معیار کو تسلیم کیا۔ آرمی چیف جنرل قمر جاوید باجوہ نے سعودی چیف آف جنرل اسٹاف کے پاک فوج کے متعلق خیالات پر شکریہ ادا کیا۔ سعودی چیف آف جنرل اسٹاف نے جی ایچ کیو میں یادگار شہداء پرپھول چڑھائے۔ سعودی چیف آف جنرل اسٹاف کو جی ایچ کیو آمد پر گارڈ آف آنر پیش کیا گیا۔