اسد درانی کا نام ای سی ایل سے نکالنے کا معاملہ ،

عدالت نے وزارت دفاع کو رپورٹ جمع کرانے کی آخری مہلت دیدی اگر اسد درانی کے خلاف کوئی ایکشن نہیں لے رہے تو پھر عدالت کو صرف آگاہ کر دیں، جسٹس اختر محسن کیانی کے ریمارکس

جمعرات 24 جنوری 2019 15:12

اسد درانی کا نام ای سی ایل سے نکالنے کا معاملہ ،

اسلام آباد (اُردو پوائنٹ اخبارتازہ ترین - این این آئی۔ 24 جنوری2019ء) اسلام آباد ہائی کورٹ نے سابق ڈی جی آئی ایس آئی اسد درانی کا ای سی ایل سے نام نکلوانے کی درخواست پر سماعت کے دور ان وزارت دفاع کو رپورٹ جمع کرانے کی آخری مہلت دے دی۔ جمعرات کو اسلام آباد ہائی کورٹ میں سابق ڈی جی آئی ایس آئی اسد درانی کا ای سی ایل سے نام نکلوانے کی درخواست پر سماعت ہوئی ۔

(جاری ہے)

سماعت کے دور ان اسد درانی کے وکیل عمر فرخ آدم جبکہ وزارت دفاع کی جانب سے بریگیڈئیر فلک ناز عدالت میں پیش ہوئے ۔ جسٹس محسن اختر کیانی نے کہاکہ ایک ماہ میں سربمہر انکوائری رپورٹ عدالت میں جمع کرائیں۔ انہوںنے کہاکہ اگر اسد درانی کے خلاف کوئی ایکشن نہیں لے رہے تو پھر عدالت کو صرف آگاہ کر دیں۔ بعد ازاں عدالت نے وزارت دفاع کو رپورٹ جمع کرانے کی آخری مہلت دیتے ہوئے سماعت 21 فروری تک ملتوی کر دی ۔