وزیراعظم عمران خان کی زیرصدارت نوتشکیل شدہ وفاقی کابینہ کا اجلاس

16 نکاتی ایجنڈا زیر بحث آئے گا‘مشیر خزانہ عبدالحفیظ شیخ معاشی پالیسیوں سے کابینہ کو آگاہ کریں گے

Mian Nadeem میاں محمد ندیم منگل 23 اپریل 2019 10:08

وزیراعظم عمران خان کی زیرصدارت نوتشکیل شدہ وفاقی کابینہ کا اجلاس
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔ 23 اپریل۔2019ء) وزیراعظم عمران خان کی زیرصدارت نوتشکیل شدہ وفاقی کابینہ کے اجلاس میں 16 نکاتی ایجنڈا زیر بحث آئے گا. تفصیلات کے مطابق وزیراعظم عمران خان کی صدارت میں ہونے والے وفاقی کابینہ کے اہم اجلاس میں 16 نکاتی ایجنڈے پر غور کیا جائے گا. ذرائع کے مطابق اجلاس میں اقتصادی صورت حال سمیت اہم امور زیربحث آئیں گے، مشیر خزانہ عبدالحفیظ شیخ معاشی پالیسیوں سے کابینہ کو آگاہ کریں گے.

اجلاس میں این ایچ اے میں ڈیپوٹیشن پر ممبر فنانس کی تعیناتی کی منظوری دی جائے گی، سعودی فنڈ برائے ترقی کے منصوبوں کے لیے ٹیکس چھوٹ پرغور کیا جائے گا.

(جاری ہے)

وفاقی کابینہ کو اجلاس میں ملک کے موجودہ تعلیمی نظام میں تبدیلی پر بریفنگ دی جائے گی اور رحم کی اپیلوں میں تاخیراورکمزوریوں کودور کرنے کی منظوری دی جائے گی. وزیراعظم عمران خان کی زیرصدارت اجلاس میں بینکنگ کورٹ ون پشاورکے جج کو واپس بلانے کا فیصلہ کیا جائے گا، ڈراوٹ ریسپانس پلان 2019 منظوری کے لیے کابینہ میں پیش کیا جائے گا.

اجلاس میں او پی ایف کے بورڈ آف گورنرزکے سابق ممبران کے کیسزکا جائزہ لیا جائے گا، نیشنل انڈوومنٹ اسکالرشپ وزارت منصوبہ بندی کے حوالے کرنے کی منظوری دی جائے گی. وفاقی کابینہ کے اجلاس میں قیمتوں میں اضافے پروزیردفاع کی سربراہی میں قائم کمیٹی کی سفارشات پیش کی جائیں گی چیف شماریات کا اضافی چارج دینے کی منظوری دی جائے گی. اجلاس میں ریلوے کی مال بردارگاڑیوں کی حکومتی اداروں کے استعمال سے متعلق عملدرآمد کا جائزہ لیا جائے گا، کابینہ ای سی سی اجلاس کے فیصلوں کی بھی منظوری دے گی. وزیراعظم عمران خان کی زیرصدارت اجلاس میں بینکنگ کورٹ ون پشاورکے جج کو واپس بلانے کا فیصلہ کیا جائے گا، ڈراوٹ ریسپانس پلان 2019 منظوری کے لیے کابینہ میں پیش کیا جائے گا.

اسلام آباد میں شائع ہونے والی مزید خبریں