اسلام آباد میں 14 آگست سے پلاسٹک بیگز پر مکمل پابندی عائد ہوگی،زرتاج گل

وزیر اعظم موسمیاتی تبدیلی کے اثرات پر قابو پانے کیلئے خصوصی اقدامات کررہے ہیں،بلیئن ٹری سونامی،کلین گرین انیشیٹیوجیسے اقدامات سے مثبت پیشرفت ہوگی،تقریب سے خطاب

پیر 17 جون 2019 20:45

اسلام آباد میں 14 آگست سے پلاسٹک بیگز پر مکمل پابندی عائد ہوگی،زرتاج گل

اسلام آباد(اُردو پوائنٹ اخبارتازہ ترین - آن لائن۔ 17 جون2019ء) وزیر مملکت برائے موسمیاتی تبدیلی زرتاج گل نے کہا ہے کہ 14آگست سے اسلام آباد میں پلاسٹک بیگز کو ختم کردیا جائے گا کیونکہ پاکستان دنیان بھر میں موسمیاتی تبدیلی سے متاثر ہونے والا ملک ہے اور وزیر اعظم عمران خان موسمیاتی تبدیلی کے اثرات پر قابو پانے کیلئے خصوسی اقدامات اٹھا رہے ہیں ان خیالات کا اظہار زرتاج گل نے پیر کے روز وفاقی دارلحکومت کے ایک نجی ہوٹل میں تقریب سے خطاب کے دوران کیا انہوں نے کہا کہ اسلام آباد دنیا کا پہلا شہر ہوگا جہاں پر پلاسٹک بیگز 14آگست سے مکمل طور پر ختم کردئییجائیں گے انہوں نے کہا کہ پاکستان ددنیا بھر میں موسمیاتی تبدیلی سے متاثر ہونے والا 7واں ملک ہے اس لیے وزیر اعظم عمران خان نے بھی موسیماتی تبدیلی کے اثرات پر قابو پانے کیلئے خصوصی اقدامات کرنے کا فیصلہ کیا ہے پاکستان میں سیلاب ،ہیٹ ویویز جیسی قدرتی آفات آتی رہتی ہے تو اس کیلئے حکومت نے بلیئن ٹری سونامی کا منصوبہ شروع کیا اور کلین گرین کے انیشیٹیو کا بھی آغاز کیا توقع ہے کہ اب موسیماتی تبدیلی کے حوالے سے کیے گئے اقدامات میں مثبت پیشرفت ہوگی