موبائل فونز کی قیمتوں میں کمی

موبائل صارف کو ریلیف دینے کیلئے ایف بی آر نے ٹیکسز میں کمی کا فیصلہ کر لیا

Usman Khadim Kamboh عثمان خادم کمبوہ اتوار ستمبر 14:25

موبائل فونز کی قیمتوں میں کمی
اسلام آباد (اُردو پوائنٹ تازہ ترین اخبار۔ 15 ستمبر 2019ء) پاکستان میں موبائل صارفین کو ریلیف دینے کے لیے فیڈرل بورڈ آف ریوبیو نے درآمد شدہ موبائل فونز پر ریگولیٹر ڈیوٹی میں 50 فیصد تک کمی کرنے کی تجویز پیش کردی ہے۔ ذرائع کا کہنا ہے کہ ایف بی آر کے مطابق ٹیکسز میں اس کمی کا مقصد ڈیجیٹلائزیشن کے فروغ اور عام آدمی کو ریلیف فراہم کرنا ہے۔

ایف بی آر کے مطابق اس کمی کی وجہ سے ٹیکس کے وصولی میں کمی واقع نہیں ہوگی جبکہ اس کی مدد سے درآمدات میں اضافہ بھی ہو گا۔ چیئرمین فیڈرل بورڈ آف ریونیو شبر زیدی کی جانب سے جاری کی جانے والی سمری کے مطابق ٹیکس میں کمی سے پاکستان میں موبائل فون انڈسٹری اور کاروبار کے حجم میں اضافہ ہوگا، تاہم اس کی وجہ سے مجوعی طور پر پیدا ہونے والے منفی اثرات بھی ختم ہوجائیں گے۔

(جاری ہے)

خیال رہے کہ رواں مالی سال 2020-2019 کے بجٹ میں موبائل فونز پر ٹیکسز اور ریگولیٹری ڈیوٹیز میں کمی کا اعلان کیا گیا تھا۔ ذرائع کا کہنا ہے جن موبائل فونز پر ڈیوٹی میں کمی کا فیصلہ کیا گیا ہے ان میں وہ سیٹ شامل ہیں جن کی قیمت ایک سو سے 2 سو ڈالر تک ہے۔ 
پوبائل فونز پر ٹیکسز
پوبائل فونز پر ٹیکسز
 موبائل فون تاجران کا کہنا ہے کہ اس تجویز کے عمل میں آنے کے بعد مقامی مارکیٹ میں موبائل فون کی قیمتوں میں کمی آئے گی تاہم اس سے مقامی سطح پر تیار کردہ موبائل فونز کی حوصلہ شکنی ہوگی۔

یہ بھی خبر آئی ہے کہ موبائل فونز کی صنعت اب چین سے باہر جارہی ہے اور وہ دیگر ممالک کو بھی اس سیکٹر میں سرمایہ کاری کے لیے متوجہ کر رہی ہے۔ اور اب وزیراعظم عمران خان کے مشیر برائے تجارت عبد الرزاق داؤد انجینئرنگ ڈویلپمنٹ بورڈ کے ساتھ مل کر پاکستان میں موبائل فونز کی تیاری کے لیے ایک پالیسی تشکیل دے رہے ہیں جو اپنے حتمی مراحل میں ہے۔

اسلام آباد شہر میں شائع ہونے والی مزید خبریں:

Your Thoughts and Comments