قائمہ کمیٹی برائے آبی وسائل نے وفاقی دارالحکومت کو خان پور ڈیم سے پانی کی فراہمی پر ذیلی کمیٹی تشکیل دیدی

آصف علی زرداری کے پروڈکشن آرڈر جاری کئے گئے تھے، جس پر اسپیکر کی طرف سے کوئی ریسپانس نہیں ملا، چیئرمین کمیٹی آصف علی زرداری اور خواجہ سعد رفیق ہماری کمیٹی کے ممبران ہیں، ان کی موجودگی ضروری ہے،ان کے بغیر کمیٹی اجلاس ہی نہیں ہوسکتا، ارکان کمیٹی

منگل 15 اکتوبر 2019 13:21

قائمہ کمیٹی برائے آبی وسائل نے وفاقی دارالحکومت کو خان پور ڈیم سے پانی کی فراہمی پر ذیلی کمیٹی تشکیل دیدی

اسلام آباد (اُردو پوائنٹ اخبارتازہ ترین - این این آئی۔ 15 اکتوبر2019ء) قومی اسمبلی کی قائمہ کمیٹی برائے آبی وسائل نے وفاقی دارالحکومت کو خان پور ڈیم سے پانی کی فراہمی پر ذیلی کمیٹی تشکیل دیدی۔ منگل کو چیئرمین کمیٹی نواب یوسف تالپور کی صدارت میں قومی اسمبلی کی قائمہ کمیٹی برائے آبی وسائل کا اجلاس ہوا جس میں چیئر مین کمیٹی نے کہاکہ آصف علی زرداری کے پروڈکشن آرڈر جاری کئے گئے تھے، جس پر اسپیکر کی طرف سے کوئی ریسپانس نہیں ملا۔

رکن کمیٹی نزہت پٹھان نے کہاکہ آصف علی زرداری اور خواجہ سعد رفیق ہماری کمیٹی کے ممبران ہیں، ان کی موجودگی ضروری ہے۔ارکان کمیٹی نے کہاکہ ان کے بغیر کمیٹی اجلاس ہی نہیں ہوسکتا۔ رکن کمیٹی علی نواز اعوان نے کہاکہ آصف زرداری اور خواجہ سعد رفیق پہلے کمیٹی کا حصہ نہیں تھے، جیل جانے کے بعد بنے ہیں۔

(جاری ہے)

کمیٹی نے وفاقی دارالحکومت کو خان پور ڈیم سے پانی کی فراہمی پر ذیلی کمیٹی تشکیل دیدی، ذیلی کمیٹی خالد حسین مگسی کی سربراہی میں بنائی گئی، علی نواز اعوان، نزہت پٹھان، مریم اورنگزیب اور ڈاکٹر افضل ڈھانڈلہ ممبران ہونگے۔

اجلاس کے دور ان داسو ہائیڈرو پاور پراجیکٹ کے لیے زمین ایکوائر کرنے سے متعلق بریفنگ دی گئی ۔ ممبر واٹر واپڈا نے کہاکہ ایکنک نے 2 اکتوبر کو زمین کے نظرثانی شدہ ریٹ کی منظوری دے دی ہے، 1247 ایکٹر اگلے چھ ماہ میں واپڈا کے حوالے کر دیں گے۔ممبر واٹر واپڈانے کہاکہ زمین کی قیمت 19 ارب سے بڑھ کر 37 ارب ہو گئی ہے۔ واپڈا حکام نے کہاکہ کے پی کے حکومت اور لینڈ کلیکٹر کو کو کمیٹی ہدایت کرے۔