مارچ میں ملک گیر تحریک سے حکومت کو گھر بھیجے گیں،رانا تنویر حسین

عمران خان کو آٹا،چینی بحران پر اپنی کوتاہی تسلیم کرنے کے بعد مستعفی ہوجاناچاہئے،رانا ثناء اللہ

منگل 18 فروری 2020 22:10

مارچ میں ملک گیر تحریک سے حکومت کو گھر بھیجے گیں،رانا تنویر حسین

ِاسلام آباد (اُردو پوائنٹ اخبارتازہ ترین - آن لائن۔ 18 فروری2020ء) مسلم لیگ(ن )کے رہنما رانا تنویر حسین نے کہا ہے کہ مارچ میں ایسی ملک گیر تحریک شروع کریں گے کہ حکومت کو گھر جانا ہی پڑے گا۔اسلام آباد میں میڈیا سے گفتگوکر تے ہو ئے انہو ں نے کہا کہ مارچ میں ایسی ملک گیر تحریک شروع کریں گے کہ حکومت کو گھر جانا ہی پڑے گا۔

(جاری ہے)

عمران خان کی حکومت نے ملکی معیشت اور سیاست کا جنازہ نکال دیا ، شہباز شریف جلد پاکستان آرہے ہیں اور وہ ہی قائد حزب اختلاف رہیں گے ، ما رچ میں شہباز شریف کے آتے ساتھ ہی حکو مت کے خلا ف مہم شروع کر دیں گے ۔

بعدازاں راناثنا ء اللہ نے فیصل آباد میں صحافیوں سے گفتگو کرتے ہوئے کہا کہ قومی حکومت کے حامی ہیں مگرمسلم لیگ ن اس کاحصہ نہیں ہوگی، پی ٹی آئی کا پیدا کیاگیا بوجھ نہیں اٹھایا جاسکتا۔ملکی اورقومی مفادمیں تمام قوتوں کوایک صفحہ پرہونا چاہئے۔ عمران خان کو آٹا،چینی بحران پر اپنی کوتاہی تسلیم کرنے کے بعد مستعفی ہوجاناچاہئے۔مڈٹرم الیکشن فوری طورپرضروری ہیں،اگرتاخیرہوئی تو اپوزیشن مشترکہ لائحہ عمل طے کرے گی۔