پاکستان میں فرسٹ ایس ڈی این پراجیکٹ،نسٹ ہواوے کیساتھ شراکت دار

اسلام آباد (اُردو پوائنٹ اخبارتازہ ترین۔ 03 جولائی2020ء) نسٹ ہواوے کیساتھ مل کر پا کستان میں فرسٹ ایس ڈی این پر اجیکٹ شروع کر ے گا ۔اس سلسلے میں گذشتہ روز ایک پر وگر ام کا انعقاد کیا گیا ۔جس میں نسٹ ، ہو اوے اور سی این ایس کے نمائندو ں نے شرکت کی ،پروجیکٹ کو نیشنل یونیورسٹی آف سائنسز اینڈ ٹیکنالوجی میں این یو ایس ٹی کے ذریعے فو کس کیا گیا ۔

اس پر اجیکٹ کو جو لا ئی کے دوسرے ہفتے میں شروع کیا جائے گا ۔پر اجیکٹ کابنیادی مقصد ہواوے کے ذریعہ ایجوکیشن سیکٹر میں ڈیجیٹل تبدیلی کی فراہمی ہے۔نسٹ پاکستان کی پہلی یونیورسٹی ہے جس نے ڈیٹا سینٹر اور کیمپس نیٹ ورک دونوں کے لئے ایس ڈی این حل کا انتخاب کیا ۔نسٹ ایس ڈی این منصوبہ پاکستان میں تعلیم کے شعبے کے لئے ایک معیار ثابت ہوگا۔

(جاری ہے)

ہواوے اپنے صارفین کی مستقبل کی ضروریات اور ضروریات کو پورا کرنے کے لئے مسلسل ٹیکنالوجی تیار کررہا ہے۔اس پر وگرام میں ڈائر یکٹر نسٹ آئی سی ٹی خواجہ رضوان اور ڈپٹی ڈائر یکٹر سائبر سیکو رٹی نسٹ کلیم صیدیقی کو ہو اوے ایجو کیشن سسٹم ای 2ای کے بارے میں آگا ہ کیا گیا جس میں سمارٹ کلاس روم ، انٹینٹ ڈرائیون نیٹ ورک (IDN) ، وائی فائی 6 اور گاس ڈی بی شامل ہیں۔

ریجنل سیل منیجر سی این ایس آغا گل،سینئر منیجر ٹیکنیکل سی این ایس شہباز اختر نے نسٹ میں پروجیکٹ کی تعیناتی کی حکمت عملی ، منصوبہ بندی اور تکنیکی روڈ میپ اور ذمہ داری میٹرکس کے ساتھ ہو اوے کی حمایت سے کامیابی سے متعلق مکمل بر یفنگ دی ۔ڈپٹی ڈائریکٹر سائبرسیکورٹی کلیم صدقی نے کہا کہ ہواوے ایس ڈی این پرائیویٹ کلاڈ ، کمپیوٹر پر مبنی ٹیسٹنگ ، ڈیٹا سینٹر اور سیکورٹی آپریشنز سنٹر (ایس او سی) کے اپنے حالیہ منصوبوں کے ساتھ مکمل طور پر انضمام کرے گا۔اس پر اجیکٹ کے ذریعے ہر سطح پر سائبر سیکورٹی کنٹرول رکھنے والے استعمال ، آٹومیشن ، مانیٹرنگ اور تجزیات کو آسان بنایا جاسکے۔ ایونٹ کا اختتام کیک کٹنگ اور شیلڈ تقسیم کی گئیں ۔