آکسیجن، وینٹی لیٹرز پر کورونا کے مریضوں میں 28 فیصد کمی آ ئی ہے، اسد عمر

کورونا کا پھیلائو روکنا ہم سب کے اجتماعی اختیار میں ہے، حفاظتی تدابیر پر عمل سے صحت کی حفاظت کیساتھ روزگار بھی چلتا رہیگا،وفاقی وزیر کا ٹوئٹ

ہفتہ 11 جولائی 2020 12:57

آکسیجن، وینٹی لیٹرز پر کورونا کے مریضوں میں 28 فیصد کمی آ ئی ہے، اسد عمر

اسلام آباد (اُردو پوائنٹ اخبارتازہ ترین - این این آئی۔ 11 جولائی2020ء) وفاقی وزیر اسد عمر نے کہا ہے کہ اکسیجن اور وینٹی لیٹرز پر کورونا وائرس کے مریضوں کی تعداد میں 28 فیصد کمی ہوئی ہے۔سماجی رابطے کی ویب سائٹ ٹوئٹر پر ایک بیان میں وفاقی وزیر اسد عمر نے کہا کہ سمارٹ لاک ڈائون اور ایس او پیز پر عمل درآمد سے عوام کے بہتر طرز کی کامیابی نمایاں ہے۔

انہوں نے بتایا کہ 20 جون کو پاکستان میں کورونا وائرس کے 2 ہزار 969 مریض آکسیجن پر تھے، جبکہ 546 مریض وینٹی لیٹرز پر تھے۔

(جاری ہے)

اسد عمر نے بتایا ہے کہ الحمداللہ کل یہ تعداد کم ہو کر آکسیجن پر 1 ہزار 762 کورونا مریض جبکہ وینٹی لیٹر پر 394 مریض تک آگئی۔وفاقی وزیر نے کہا کہ اس طرح آکسیجن اور وینٹی لیٹر زپر کورونا وائرس کے مریضوں کی تعداد میں 28 فیصد کمی ہوئی ہے۔انہوں نے کہا کہ کورونا وائرس کی وباء کا پھیلائو روکنا ہم سب کے اجتماعی اختیار میں ہے، حفاظتی تدابیر پر عمل سے صحت کی حفاظت کے ساتھ روزگار بھی چلتا رہے گا۔وفاقی وزیر نے کہا کہ اگر احتیاط نہ کی گئی تو جو امریکا، برازیل اور بھارت جیسے ممالک میں ہو رہا ہے، خدانخواستہ ہمارے یہاں بھی ہو سکتا ہے۔