روایتی خارجہ پالیسی کے ہوتے ہوئے عالمی فورمز پر انسانی حقوق سفارتکاری میں کامیابی ممکن نہیں ،شیریں مزاری
بھارت کے ساتھ عالمی سطح پر جواب کیلئے انسانی حقوق ڈپلومیسی ضروری ہے،وزیر اعظم نے عالمی سطح پر ہندو توا پالیسی کو بے نقاب کیا ،کشمیر پر وزیر اعظم کا موقف کلیئر ہے ،اسلامو فوبیا پر موثر آواز اٹھانے کی ضرورت ہے، خارجہ امور کمیٹی کو بریفنگ بھارتی فوج مقبوضہ کشمیر میں معصوم کشمیریوں کے قتل میں ملوث ہے، ایمنسٹی انٹرنیشنل ہیڈ برائے جنوبی ایشیا عمر وڑائچ کی بریفنگ
جمعہ 25 ستمبر 2020 14:54
(جاری ہے)
شیریں مزاری نے کہاکہ بھارت کے ساتھ عالمی سطح پر جواب کیلئے انسانی حقوق ڈپلومیسی ضروری ہے۔
وزیر انسانی حقوق نے کہاکہ انڈسٹریل سیکٹر میں انسانی حقوق پر عملدرآمد کیلئے جامع ایکشن پلان بنا رہے ہیں،وزیر اعظم نے عالمی سطح پر ہندو توا پالیسی کو بے نقاب کیا ،شیریں مزاری نے کہاکہ پانچ اگست کے بھارت کے بیانیے کو عالمی سطح پر شکست ہوئی ،پاکستان کا بیانہ کامیاب رہا ، بھارت مخالف بیانیے کو تقویت پہنچانے کیلئے روایتی سفارتکاری کافی نہیں۔وزیر انسانی حقوق نے کہاکہ کشمیر میں ادویات اور خوارک کی قلت پہنچانے کے حوالے سے انسانی حقوق کمیشن کو خطوط لکھے ۔ انہوںنے کہاکہ بھارت کی آبادی کے تناسب میں تبدیلی کی کوششوں پر عالمی کو برادری کو خطوط لکھے ،کشمیر میں عورتوں بچوں سے زیادتی کے معاملے کو اقوام متحدہ میں موثر طریقے سے نہیں اٹھایا گیا ۔شیریں مزاری نے کہاکہ وزارت خارجہ انسانی حقوق کی پامالیوں کو موثر طریقے سے اٹھائے ،خارجہ پالیسی کے اسٹریکچرکو تبدیل کرنے کی ضرورت ہے۔شیریں مزاری نے کہاکہ روایتی سفارتکاری سے ہٹ کر پالیسی بنانا ہوگی،نئی خارجہ پالیسی میں انسانی حقوق کے نمائندوں ،میڈیا اور دیگر شراکت داروں کو شامل کیا جائے ۔ انہوںنے کہاکہ جی ایس پی پلس کے بہت سے ایکشن پر عمل کرنا باقی ہے۔ اجلاس کے دور ان ایمنسٹی انٹرنیشنل ہیڈ برائے جنوبی ایشیا عمر وڑائچ نے کمیٹی کو بریفنگ دیتے ہوئے کہاکہ ایمنسٹی انٹرنیشنل نے مقبوضہ کشمیر میں بھارتی جارحیت کا معاملہ کئی بار اٹھایا۔عمر وڑائچ نے کہاکہ مقبوضہ کشمیر میں انسانی حقوق کی سنگین خلاف ورزیاں ہورہی ہیں، ہم نے فلسطین اور روہنگیا میں بھی انسانی حقوق کی خلاف ورزیوں کا معاملہ اٹھایا۔عمر وڑائچ نے کہاکہ بھارتی فوج مقبوضہ کشمیر میں معصوم کشمیریوں کے قتل میں ملوث ہے۔ انہوںنے کہاکہ بھارتی فوج نے مقبوضہ کشمیر میں پیلٹ گنز کا استعمال کیا، بہت سے کشمیریوں کو نابینا کیا گیا۔ مشاہد حسین سید نے کہاکہ ایمنسٹی انٹرنیشنل انسانی حقوق کے تحفظ کے لئے اہم کردار ادا کررہا ہے۔ چیئر مین کمیٹی نے کہاکہ ہم ایمنسٹی انٹرنیشنل کے کردار کو سراہتے ہیں۔سینیٹر رحمن ملک نے کہاکہ کشمیر کے معاملے پر ایمنسٹی انٹرنیشنل کے کردار سے مطمئن نہیں، 456 دن ہوگئے کشمیر سے کرفیو ختم نہیں ہوا۔ انہوںنے کہاکہ پاکستان کو اس معاملے پر سیکیورٹی کونسل میں جانا چاہئے، مودی نے الیکشن جیتنے کے لیے پلوامہ کا ڈرامہ رچایا۔ چیئر مین کمیٹی نے کہاکہ کشمیر اور گلگت بلتستان کے ایشو پر اکتوبر کے پہلے ہفتے میں بات ہوگی، وزیر خارجہ خود کمیٹی کو اس معاملے پر بریفنگ دیں گے۔ شیریں مزاری نے کہاکہ میں انسانی حقوق کونسل میں بڑی مشکل سے گئی، وزارت خارجہ کو سمجھایا کہ یہ انسانی حقوق کا معاملہ ہے مجھے جانا ہوگا۔شیریں مزاری نے کہاکہ اسلامو فوبیا پر موثر آواز اٹھانے کی ضرورت ہے۔شیریں مزاری نے کہاکہ یورپ کہتا ہے ماسک پہن لیں مگر نقاب نہیں کرنا، کشمیر کے معاملے پر سال میں ایک تقریر کافی نہیں۔ شیریں مزاری نے کہاکہ وزیر اعظم نے معاملے کو اقوام متحدہ میں اٹھایا، وزارت خارجہ کو انسانی حقوق پر موثر کردار ادا کرنا ہوگا،ہمیں دفاعی سے نکل کر جارحانہ خارجہ پالیسی پر جانا ہوگا۔ انہوںنے کہاکہ کشمیر پر وزیر اعظم کا موقف کلیئر ہے۔ انہوںنے کہاکہ وزیر خارجہ نے فارن ایڈوائزری بورڈ میں مجھے شامل نہیں کیا۔ ڈاکٹر شہزاد وسیم نے کہاکہ شیری مزاری نے کمیٹی میں ایکڈمک پریزنٹیشن دی ۔ شیریںمزاری نے کہاکہ اکیڈمک نہیں میں نے پالیسی بیان دیا ہے ۔ سیکرٹری خارجہ نے کہاکہ ہم شیریں مزاری کی تجاویز کو مثبت لیتے ہیں۔متعلقہ عنوان :
اسلام آباد میں شائع ہونے والی مزید خبریں
جیمز اور جیولری میں سرمایہ کاری کیلئے غیر ملکی کمپنیوں کی حوصلہ افزائی کرنا ہوگی،آصف علی زرداری
وزیراعظم کا بجلی چوری کی سہولت کاری میں ملوث سرکاری افسران کیخلاف کارروائی کا حکم
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
وفاقی حکومت نے کابینہ کی ای سی ایل کمیٹی کی تشکیل نو کردی
سپریم کورٹ کے اسلام آباد ہائی کورٹ کے ججز کے خط کے حوالہ سے فل کورٹ اجلاس کا اعلامیہ جاری
نیشنل اکاؤنٹس کمیٹی کاا جلاس ، پہلی اور دوسری سہ ماہی کی شرح نمو اور جی ڈی پی گروتھ کا جائزہ لیا گیا
پاکستان اور ترکیہ کے درمیان معاشی،سیاسی،دفاعی اور ثقافتی میدان میں تعاون بڑھانے سے ترقی کی نئی راہیں ..
نیپرا کی ڈسکوز کےفروری کے ماہانہ ایف سی اےکے حوالے سےعوامی سماعت مکمل
فناشیل ٹائمز سٹاک ایکسچینج نے پاکستان کی سیکنڈری ایمرجنگ مارکیٹ پوزیشن برقرار رکھی
کشمیریوں کو ان کے قدرتی وسائل کے حق سے محروم کرنے کے بھارتی حکومتی اقدامات قانونی اور استحصالی ہیں، ..
ملک دشمن عناصر بزدلانہ کارروائیوں سے پاکستانی قوم کے عزم کو شکست نہیں دے سکتے،وفاقی وزیر داخلہ محسن ..
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
اسلام آباد سے متعلقہ
پاکستان کی تازہ ترین خبریں
-
آئی ایم ایف کے ساتھ آنے والے دنوں میں بڑے پروگرام کی طرف جارہے ہیں،محمد اورنگزیب
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
کراچی میں قبضہ مافیا کے کارندوں کا حاملہ خاتون پر تشدد
-
جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
-
سندھ حکومت کا اورنج لائن اور گرین لائن کو جوڑنے کے لئے شٹل سروس شروع کرنے کا فیصلہ
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
ملک بھر میں چائنیز کی سیکورٹی ہائی الرٹ، بم پروف بسوں کیلئے انتظامات کا آغاز
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
اسٹیل کی قیمتوں میں کمی کی وجہ سے کاروباری سرگرمیوں میں اضافہ ہو گیا
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر