24 گھنٹوں کے دوران کورونا وائرس کے 2458کیس،67 اموات رپورٹ،

40 ہزار 969ٹیسٹ کیے گئے ، ایکٹو کیسز کی تعداد 49105ہو گئی،این سی او سی

منگل 1 دسمبر 2020 11:27

24 گھنٹوں کے دوران کورونا وائرس کے 2458کیس،67 اموات رپورٹ،

اسلام آباد (اُردو پوائنٹ اخبارتازہ ترین - اے پی پی۔ 01 دسمبر2020ء) : نیشنل کمانڈ اینڈآپریشن سنٹر (این سی او سی) نے کورونا وائرس کی وباکے حوالے سے تازہ ترین اعداد وشمار جاری کر دیئے ہیں۔پیر کو این سی او سی سے جاری کردہ اعدادو شمار کے مطابق گزشتہ 24 گھنٹوں کے دوران کورونا کے 2 ہزار 458مریضوں کے ٹیسٹ مثبت آئے اور 67افراد اس وائرس سے جاں بحق ہوئے ۔گزشتہ 24گھنٹوں کے دوران کووڈ۔

(جاری ہے)

19 کے 40 ہزار 969 ٹیسٹ کیے گئے جن میں سے سندھ میں 13 ہزار 169, پنجاب میں 15 ہزار 356، خیبرپختونخوا میں 4ہزار 696، اسلام آباد میں 6 ہزار 553، بلوچستان میں 310،گلگت بلتستان میں 348، آزاد کشمیر میں 537ٹیسٹ شامل ہیں۔ اب تک ملک بھر میں کووڈ۔19 سے صحتیاب ہونے والوں کی تعداد 3 لاکھ 43ہزار 286 ہو چکی ہے۔گلگت بلتستان اور بلوچستان میں کووڈ۔19 کا کوئی بھی مریض اس وقت وینٹیلیٹر پر نہیں ہے جبکہ ملک بھر میں کووڈ۔19 کے لیے مختص 1 ہزار 757وینٹیلیٹرز پر 300مریض ہیں۔ ملک بھر میں کووڈ۔19 کے ایکٹو کیسز کی تعداد 49 ہزار 105 ہے۔ ملک بھر میں کورونا وائرس سے متاثرہ افراد کی تعداد 4 لاکھ 482ہے ۔\932