پی ٹی آئی کی صورت میں ایک مصیبت عوام پر مسلط ہے،سینیٹر سراج الحق
حکمران ٹولے نے لاکھوں لوگوں سے روزگار چھین لیا،غریب زندہ رہنے کے لیے خوراک خرید سکتاہے نہ دوائی، لینڈ ، ڈرگ ، شوگر اور آٹا مافیا کا راج ہے اور عوام بے بس، گزشتہ حکومتوں کے ادوار میں بھی عوام پر ظلم ہورہاتھا ، اب پی ٹی آئی کے دور میں بھی وہی داستان جاری ہے ۔،جاگیرداروں اور استعمار کے نمائندوں نے چولستان کو غیر ملکی شہزادوں کے حوالے کردیاہے ، چولستان کا اپنا شہزادہ اور شہزاد ی خوراک اور پینے کے پانی کیلئے ترس رہے ہیں ،امیرجماعت اسلامی کا’’ چولستان بچائوریلی‘‘ کے شرکاء سے خطاب /میڈیا سے گفتگو
بدھ 2 دسمبر 2020 23:44
(جاری ہے)
سینیٹر سراج الحق نے کہاکہ تحریک انصاف کی حکومت نے گزشتہ 850 دنوں میں عوام کو غربت ، بے روزگاری ، مہنگائی کے تحفے دیے اور سابقہ حکمرانوں کی عوام دشمن پالیسیوں کومزید اضافے کے ساتھ جاری رکھا ۔
انہوںنے کہاکہ سٹیٹس کو کے نمائندوں ، جاگیرداروں اور استعمار کے ایجنٹوں نے ملک کو دیوالیہ کردیاہے ۔ عوام بے بس اور مجبور ہیں نہ وہ آٹا چینی خرید سکتے ہیں اور نہ ان کے پاس دوائی خریدنے کی سکت ہے ۔ حکمران طبقہ نے گزشتہ ستر سالوں میں عوام کو تعلیم اور علاج کی سہولتوں سے محروم رکھا ، چولستان اور جنوبی پنجا ب کے دیگر علاقے اس کی بڑی مثا ل ہیں ۔یہاں لینڈ مافیا کے وارے نیارے جبکہ چھوٹا کسان کسمپرسی کا شکار ہے۔ہزاروں ایکڑ زرعی اراضی پر جاگیردار قابض ہیں۔ سینیٹر سراج الحق نے کہاکہ چولستان میں ہر دوسرے تیسرے سال قحط سے بے شمار جانور مر جاتے ہیں ۔ عالمی ادارے ایک ہاتھی کو بچانے کے لیے پاکستان سے ہزاروں میل دور لے جاتے ہیں لیکن ہماری اپنی حکومت لاکھوں جانوروں کے لیے پانی کا انتظام کرنے سے قاصر ہے۔ انہوںنے کہاکہ ہزاروں لوگ بھوک اور پیاس سے بلک رہے ہوتے ہیں لیکن یہاں کا جاگیردار اور وڈیرہ عیاشی کر رہاہوتاہے ۔چولستان ترقیاتی ادارے کے نام پر اربوں روپے کے فنڈز کو حکومتی نمائندوں نے ہڑپ کرلیاہے ۔علا قہ غیر ملکی شہزادوں کے حوالے کردیا جبکہ چولستان کا رہائشی شہزادہ اور شہزادی خوراک اور پینے کے پانی کے لیے ترس رہا ہے۔انہوںنے کہاکہ وقت آگیاہے کہ ان ظالم حکمرانوں سے نجات حاصل کی جائے اور ملک کو اسلامی اور خوشحال پاکستان بنایا جائے ۔ جماعت اسلامی اسی منزل کے حصول کے لیے جدوجہد کر رہی ہے ۔ انہوںنے مطالبہ کیا کہ چولستان ترقیاتی ادارے کے فنڈز کا شفاف آڈٹ کروایا جائے اور چولستان کو الگ ضلع بنایا جائے ۔ بعد ازاں سینیٹر سراج الحق نے سابق امیر جماعت اسلامی ضلع بہاولپور ڈاکٹر اشرف کے لیے منعقدہ تعزیتی ریفرنس سے خطاب کرتے ہوئے مرحوم کی دینی و ملی خدمات کو خراج تحسین پیش کیا ۔تعزیتی ریفرنس سے سیکرٹری جنرل جماعت اسلامی امیر العظیم ، امیر ضلع بہاولپور سید ذیشان اختر اور دیگر نے بھی خطاب کیا ۔ سینیٹر سراج الحق نے کہاکہ ڈاکٹر اشرف نے پوری زندگی جماعت اسلامی کے اعلیٰ مقاصد کے حصول کے لیے بھر پور جدوجہد کی ۔ انہوںنے علاقہ کے عوام کی فلا ح و بہبود کے لیے بڑھ چڑھ کر حصہ لیا ۔انہوںنے اس بات کا اعادہ کیا کہ جماعت اسلامی حکومت کی عوام دشمن پالیسیوں کے خلاف اپنی تحریک جاری رکھے گی اور اس کے دوسرے فیز کا آغاز کچھ روز بعد گوجرانوالہ سے ہو گا ۔ انہوںنے کہاکہ جماعت اسلامی کرونا کی وبا کے دوران لوگوں میں ماسک اور سینی ٹائزر تقسیم کر رہی ہے اگر حکومت بھی عوام کو وبا سے بچانے میں سنجیدہ ہے تو وہ بھی ایسا کرے ۔ انہوںنے کہاکہ جماعت اسلامی چہرے نہیں نظام بدلنے پر یقین رکھتی ہے ۔ عوام کو مہنگائی و بے روزگاری اور نالائق حکمرانوں کے چنگل سے نجات دلاکر دم لیں گے ۔متعلقہ عنوان :
اسلام آباد میں شائع ہونے والی مزید خبریں
سی پیک کے دوسرے مرحلہ میں تیزی لانے میں پرعزم ہیں، بین الاقوامی مالیاتی فنڈ سے نئے معاہدے کیلئے پاکستان ..
کاروباری مرکز بلیو ایریا کے پٹرول پمپ کے سامنے آئل ٹینکر میں لگی آگ پر قابو پالیا گیا
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی ..
اسلام آباد ہائی کورٹ کا حج پر جانے والوں کو مکمل سہولیات فراہم کرنے کا حکم
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
سپریم کورٹ نے جاسوسی کے مبینہ ملزم کی درخواست ضمانت خارج کردی
پارلیمنٹ ہاؤس کی مسجد سے 20 سے زائد نمازیوں کے جوتے چوری
سی این جی سپلائی پرسیلز ٹیکس میں اضافہ کر دیا گیا
ایرانی صدر ڈاکٹر ابراہیم رئیسی کی سکیورٹی ٹیم پاکستان پہنچ گئی
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ..
پاکستان میں بارشوں کاحالیہ سلسلہ 22 اپریل تک وقفے وقفے سے جاری رہنے کا امکان
اسلام آباد سے متعلقہ
پاکستان کی تازہ ترین خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو