بھارت ریاست نہیں مافیا ہے، مکروہ چہرہ بے نقاب کرتے رہیں گے،معید یوسف

ہمیں بھارتی چوریوں پر حیران ہونا چھوڑ دینا چاہیے، بھارت ایک مافیا اور روگ سٹیٹ ہے، معاون خصوصی

اتوار 17 جنوری 2021 00:00

اسلام آباد (اُردو پوائنٹ اخبارتازہ ترین - این این آئی۔ 16 جنوری2021ء) وزیراعظم عمران خان کے معاون خصوصی برائے قومی سلامتی معید یوسف نے کہا ہے کہ بھارت نے پاکستان کیخلاف 20 سال سے دہشت گردی کا ڈھونگ رچایا تھا، ہمیں بھارتی چوریوں پر حیران ہونا چھوڑ دینا چاہیے، بھارت ایک مافیا اور روگ سٹیٹ ہے۔ ایک انٹرویومیں معید یوسف کہا کہ ہمیں حیران ہونا چھوڑ دینا چاہیے،بھارت کی کرتوتیں سب کے سامنے ہیں، بطورِ ریاست بار بارثبوت کے ساتھ سب کو بتا رہے ہیں کہ پلوامہ حملہ جعلی آپریشن تھا۔

انہوں نے کہا کہ دنیا کو بار بار مطلع کر رہے ہیں کہ بھارت اس طرح کا ایک اور جعلی آپریشن کر سکتا ہے، دنیا کو اس ڈوزیئر بھی دیا ہے۔ اب ہم نے دنیا سے نتائج نکلوانے ہیں۔ نتائج آنے تک بھارتی چہرے کوبے نقاب کرتے رہیں گے۔

(جاری ہے)

معاون خصوصی برائے قومی سلامتی نے کہا کہ بھارت کے بینکس بھی دہشت گردی پھیلارہے ہیں، اب دنیا کوبھارت کے معاملے پرانصاف کرنا ہوگا۔

روزانہ کی بنیاد پربھارت کے خلاف چیزیں سامنے آتی ہے، دنیا کوبھارت کے خلاف انصاف پرمبنی فیصلہ کرنا چاہیے، بھارت نے پچھلے 20 سال سے دہشت گردی کا ڈھونگ رچایا تھا، بھارت ریاست نہیں ایک مافیا ہے۔معید یوسف نے کہا کہ بھارت کے عالمی سطح پر سفارتی محاذ پر سرگرم ہوںگے۔ ہم اپنی لابی کو مزید مضبوط کریں گے، یہ بھی بات ماننی پڑے گی کہ ان کی لابی عالمی سطح پر بہت مضبوط ہے۔

لیکن اس کے باوجود عالمی سطح پر سچ اور حق کو اپنی طرف کرنے کی کوشش کریں گے۔ ہم کسی سے ڈریں گے اور نہ ہی کسی سے معافی مانگیں گے۔ اپنی کمزوریوں کو تسلیم کریں گے۔انہوں نے کہا کہ پاکستان پہلے سے کہہ رہا تھا پلوامہ حملہ ڈرامہ ہے، ہمیں بھارتی چوریوں پر حیران ہونا چھوڑ دینا چاہیے، بھارت ایک مافیا اور روگ سٹیٹ ہے۔ ہندوستان کا چہرہ دنیا کو بتا چکے۔

ان کو ذلیل کریں گے۔معاون خصوصی نے کہا کہ پچھلے ڈیڑھ سال میں سفارتکاری کے ذریعے بھارت کی بہت سرزنش ہوئی ہے، اس پر بہت کوشش کی گئی اور مزید کریں گے، اس کے لیے ہمیں وقت چاہیے۔ جو چیزیں سامنے آ رہی ہیں اس کو عالمی سطح پر اجاگر کرتے رہیں گے۔گفتگو کے دوران معید یوسف نے کہاکہ وزیراعظم عمران خان فالس فلیگ آپریشن سے متعلق انفرادی طور پر نہیں ریاست کے طور پر بات کر رہے ہیں، ہم ہر چیز کو عوام میں نہیں لا سکتے، دنیا انصاف سے ہماری بات نہیں مانتے، جو کہ ان کو سننا چاہیے۔

دشمن ملک عالمی سطح پر بڑے ممالک سے ہتھیار خریدتا ہے، ان کے مفادات ہیں۔پلوامہ حملے سے متعلق حقائق سامنے آنے کے بعد انہوں نے کہا کہ فنانشل ایکشن ٹاسک فورس (ایف اے ٹی ایف) سمیت عالمی ممال کو کہہ رہے ہیں کہ بھارت کیخلاف کارروائی کریں، کیونکہ بھارتی بینکس منی لانڈرنگ میں ملوث ہیں جبکہ یہ پیسے غلط طریقے سے استعمال کیے جاتے ہیں۔ ان پیسوں سے یہ لوگ دہشتگردی پھیلا تے ہیں۔ دنیا کو انصاف کرنا چاہیے۔

اسلام آباد میں شائع ہونے والی مزید خبریں