وفاقی دارالحکومت سے پٹواری سسٹم ختم کرنے کا اعلان

اسلام آباد (اُردو پوائنٹ اخبارتازہ ترین۔ 27 فروری2021ء) وفاقی دارالحکومت سے پٹواری سسٹم ختم کرنے کا اعلان، ہاؤسنگ سوسائٹیوں کا ریکارڈ سی ڈی اے کی ویب سائٹ پر دستیاب ہو گا، اسلام آباد سے پٹواری سسٹم کے خاتمے میں چند ماہ کا وقت لگے گا۔ تفصیلات کے مطابق وزیراعظم کے معاون خصوصی شہباز گل نے کہا ہے کہ چند ماہ میں اسلام آباد سے پٹواری سسٹم ختم کردیا جائے گا اور سی ڈی اے کی ویب سائٹس پر ہاؤسنگ سوسائٹیوں کا ریکارڈ جلد ملے گا۔

شہباز گل کے مطابق وفاقی تحقیقاتی ادارے (سی ڈی ای) کی ویب سائٹ پر سوسائیٹیوں کی معلومات موجود ہوں گی۔ اب لوگوں کو پتہ چلے گا کون سا پلاٹ فروخت ہوا ہے اور کون سا نہیں۔انہوں نے کہا کہ گزشتہ 40 روز میں اسلام آباد کے 403 کمرشل پراجیکٹ کو منظور کیا گیا ہے جبکہ سندھ میں 7 ماہ میں 258 درخواستیں جمع ہوئیں اور 19 کی منظوری دی گئی۔

(جاری ہے)

شہباز گل نے کہا کہ پاکستان میں ایک سے ڈیڑھ کروڑ گھروں کی قلت ہے۔

ہمارے پاس گھر بنانے کی ایک لاکھ اسکیمیں ہیں۔ پاکستان میں کم تنخواہ اور مہنگی رہائش عام آدمی کا مسئلہ ہے۔ اس قلت کو پورا کرنے کیلئے 50 لاکھ گھر بنانے کا کہا تھا۔معاون خصوصی شہباز گل نے کہا کہ اپنا گھر بنانا ہر انسان کا خواب ہوتا ہے۔ گھر بنانے کیلئے غریب آدمی کو کوئی قرضہ نہیں دیتا تھا۔ نیا پاکستان ہاؤسنگ بنانے کا مقصد عام آدمی کو سستے گھر دینا ہے۔ مارگیج کا قانون ہماری حکومت نے پاس کرایا۔ گھر بنانے کیلئی30 سے 35 لاکھ سرمائے کی ضرورت ہوتی ہے۔شہباز گل نے کہا کہ نیا پاکستان ہاؤسنگ بنانے کا مقصد عام آدمی کو سستے گھر دینا ہے۔ بینک 378 ارب روپیعوام کو قرضہ دینے کے پابند ہیں۔ سرکار کو گھر بنانے کی نہیں، سسٹم ٹھیک کرنے کی ضرورت تھی۔