موجودہ حکومت نے مقامی سطح پر تیل و گیس کی پیداوار کو بڑھانے پر کام شروع کیا ہے، عمرایوب خان

ای آینڈ پی کا شعبہ کی ترقی سے ملک میں وسیع کاروباری و سرمایہ کاری آئے گی ہم نے پٹرولیم سیکٹر میں کاروبار میں آسانی کے عوامل متعارف کروائے تاکہ شعبہ ترقی کرے، وفاقی وزیر توانا

جمعرات 15 اپریل 2021 22:44

موجودہ حکومت نے مقامی سطح پر تیل و گیس کی پیداوار کو بڑھانے پر کام شروع کیا ہے، عمرایوب خان

اسلام آباد(اُردو پوائنٹ اخبارتازہ ترین - آن لائن۔ 15 اپریل2021ء) وفاقی وزیر توانائی عمر ایوب خان نے کہا ہے کہ موجودہ حکومت نے مقامی سطح پر تیل و گیس کی پیداوار کو بڑھانے پر کام شروع کیا ہے۔ انہوں نے یہ بات آئل و گیس ای اینڈ پی کمپنیوں کے سی ای اوز/ ایم ڈیز کے وفد سے ملاقات میں کہی۔ملاقات میں تیل و گیس کی دریافتوں و پیداوار بڑھانے پر تبادلہ خیال کیا گیا ۔

(جاری ہے)

تیل و گیس کمپنیوں نے ای اینڈ پی کے سیکٹر میں کئے جانے والے حکومتی اقدامات کو سراہا اور شعبے کی ترقی کیلئے شکریہ ادا کیا ۔وفاقی وزیر عمرایوب کا اس موقع پر کہنا تھا کہ ای اینڈ پی کا شعبہ تیل و گیس کی سپلائی میں بنیادی اہمیت کا حامل ہے۔ ہم نے حکومت سنبھالتے ہی تیل و گیس کے بلاکس آوکشن کئے۔اس سال آئل و گیس کے بیس بلاکس نیلام کئے گئے۔نئے آف شور آئل و گیس کے بلاکس پر کام کیا جا رہا ہے، عمر ایوب نے کہا ای آینڈ پی کا شعبہ کی ترقی سے ملک میں وسیع کاروباری و سرمایہ کاری آئے گی۔ ہم نے پٹرولیم سیکٹر میں کاروبار میں آسانی کے عوامل متعارف کروائے تاکہ شعبہ ترقی کرے۔