حکومت کا مخصوص شہریوں کیلئے ریل اور ہوائی سفر پر 20 فیصد کرایہ معاف کرنے کا اعلان

بزرگ شہریوں کا عوامی مقامات پر داخلہ فری، علاج معالجے کی سہولیات اور رہائش کیلئے اولڈ ہوم کی تعمیر کی جائے گی، بزرگ شہریوں کے تحفظ کی کونسل بنے گی،حکومت فنڈ مختص کرے گی خلاف ورزی کرنے والے اداروں پر پچاس ہزار جرمانہ ہوگا، سینئر سیٹزن بل منظور

Danish Ahmad Ansari دانش احمد انصاری بدھ 16 جون 2021 23:28

حکومت کا مخصوص شہریوں کیلئے ریل اور ہوائی سفر پر 20 فیصد کرایہ معاف کرنے ..
اسلام آباد (اُردو پوائنٹ تازہ ترین اخبار۔ 16 جون 2021ء) بزرگ شہریوں کا عوامی مقامات پر داخلہ فری، علاج معالجے کی سہولیات اور رہائش کیلئے اولڈ ہوم کی تعمیر کی جائے گی، حکومت کا بررگ شہریوں کیلئے ریل اور ہوائی سفر پر 20 فیصد کرایہ معاف کرنے کا اعلان- سینئر سٹیزن بل2021کے مطابق بزرگ شہریوں کیلئے ہسپتالوں میں الگ کاﺅنٹر بنیں گے، عوامی مقامات میوزیم پارکس میں مفت داخلہ ہوگا،ساٹھ سال سے زائد بزرگوں کیلئے سینئرسٹیزن کارڈ بنیں گے، جن پر ریل اور ہوائی سفر میں بیس فیصد کرایہ معاف ہوگا،بزرگ شہریوں کے تحفظ کی کونسل بنے گی،حکومت فنڈ مختص کرے گی خلاف ورزی کرنے والے اداروں پر پچاس ہزار جرمانہ ہوگا۔

پرائیویٹ ہسپتال کی غفلت سے جان کھو دینے پر متعلقہ ہسپتال پر دس لاکھ جرمانہ ہوگا،وفاقی وزیر انسانی حقوق سینئر سٹیزن کونسل کے چیئرپرسن ہونگے،ارکان میں سول سوسائٹی کا نمائندہ،چیف کمشنر اسلام آباد،فنانس ڈویڑن کا ایک نمائندہ،قومی صحت ڈویڑن کا نمائندہ،پاکستان بیت المال کا ایک نمائندہ،وزارت انسانی حقوق کی طرف سے نامزد کردہ سینئر سیٹزن،ایک قومی اسمبلی کا رکن،ایک سینیٹر،ایک وزارت پاورٹی ایلیویشن کا نمائندہ اور سیکرٹری وزارت انسانی حقوق شامل ہونگے،کونسل سینئر سٹیزن کی فلاح کیلئے قومی اور بین الاقوامی کمٹمنٹ کی تحت تجاویز مرتب کریں گی،کونسل ہر چار ماہ بھی اجلاس منعقد کرے گی۔

(جاری ہے)

بل کے مطابق حق دار سینئر سٹیزن کی حکومت معاشی امداد کریگی،انفراد ی طور پر انکم ٹیکس کی ادائیگی سے مستثنیٰ ہونگے،سینئر سٹیزن کی پراپرٹی کی ٹرانسفر سے متعلق ٹرانسفری کو تمام متعلقہ دستاویزات دکھانا لازم ہو گا،سینئر سٹیزنزکی شکایات کے لئے شکایات کمیٹی کا تشکیل عمل میں لایا جائے گا، جو کہ تین ممبران پر مشتمل ہو گی،جس ادارے یا شخص کیخلاف ایکٹ پر عملدرآمد نہ کرنے کے حوالے سے شکایات موصول ہو گی اس پر پچاس ہزار تک کا جرمانہ ہو گا۔

گھریلو تشدد کی ممانعت بل2021کے مطابق بچوں،عورتوں،کمزور افراد اور کسی بھی شخص کیخلاف جذباتی، نفسیاتی،جنسی اور معاشی تشدد گھریلو تشدد شمار ہونگے،آوازیں کسنا بھی تشدد میں شمار ہو گا، شخص کی تذلیل کرنا، فرد کی رازداری،آزادی اور سلامتی سے متعلق متواتر غیر مناسب الفاظ ادا کرنا بھی تشدد میں شمار ہوگا،بیوی کوطلاق اور دوسری شادی کی دھمکی دینا،عورت کی ذات پر بے بنیاد الزمات لگانا بھی گھریلوتشددمیں شمار ہوگا

اسلام آباد شہر میں شائع ہونے والی مزید خبریں:

Your Thoughts and Comments