آزاد کشمیر الیکشن میں پیسہ کام کرگیا ،تحریک انصاف کے بزنس مین اور وزرا نے پیسہ تقسیم کیا ،بلاول بھٹو زرداری
تاریخی دھاندلی کی گئی جس کی مذمت کرتا ہوں ،کشمیر میں علما کی سیٹ پر پی ٹی آئی نے طالبان کے نمائندے کو ٹکٹ دیا ،اگر وہ جیت گیا تو اسکے اثرات اچھے نہیں ہونگے،چوہدری یاسین اور اس کے بیٹے پر ایف آئی آر کاٹی گئی، ہم نے سیاسی انتقام پہلے قبول کیا نہ اب کرینگے،چیئر مین پیپلز پارٹی اسلام آباد میں حالیہ بارشوں پر حکومت نے عوام کو لاوارث چھوڑ دیا ، کوئی وفاقی وزیر عوام کی داد رسی کیلئے نہیں پہنچا ،ہم اسٹیبلشمنٹ کی مداخلت کے بغیر صاف و شفاف انتخابات چاہتے ہیں،پریس کانفرنس
ہفتہ 31 جولائی 2021 22:32
(جاری ہے)
ان کے ہمراہ پیپلزپارٹی آزاد کشمیر کے صدر لطیف اکبر ،خیبر پختونخوا کے صدر ہمایوں خان ،فرحت اللہ بابر ،فیصل کریم کنڈی،نزیر ڈھوکی و دیگر بھی موجود تھے ۔بلاول بھٹوزرداری نے کہاکہآزاد کشمیر کے الیکشن میں دھاندلی، زور ، جبر اور پیسہ کام کرگیا ،تحریک انصاف کے ایک بزنس مین نے پیسہ بانٹا ،تاریخ میں اس طرح کھلم کھلا دھاندلی نہیں ہوئی جس کی مذمت کرتا ہوں ،ہم اس دھاندلی کو عوام کے سامنے لائیں گے ،پاکستان پیپلزپارٹی کے جیالوں کو دبانے کی کوشش کی جارہی ہے اور میں خبردار کرتاہوں کہ ہم اپنے جیالوں کیساتھ ہیں جس طرح مودی مقبوضہ کشمیر میں سیاسی انتقام لے رہا ہے عمران خان نے بھی اسی طرح سیاسی انتقام لیا ، انہوں نے ہمارے جیالے چوہدری یاسین اور بیٹے پر ایف آئی آر کاٹی ہے جس کی میں مذمت کرتا ہوں ، ہم نے سیاسی انتقام پہلے قبول کیا نہ اب کریں گے۔
کشمیر میں جو تشدد کیا گیا اس کو سامنے لائیں گے ۔پی ٹی آئی نے آزاد کشمیر کے علما کی سیٹ پر طالبان کے نمائندے کو منتخب کیا ہے اگر یہ جیت گیا تو اس کے اثرات اچھے نہیں ہوں گے لیکن ہم مقابلے کریں گے ، ہم پرامن لوگ ہیں ۔عام آدمی کی نفرت و ناراضگی موجودہ حکومت کیخلاف ہے تبدیلی کا اصل چہرہ یہ ہے کہ بے روزگاری ، مہنگائی ،تشدد ، پیسے سے حکومت بنانا چاہتے ہیں ۔پیپلزپارٹی کے کارکنوں اور جیالوں نے دن رات محنت کرکے دھاندلی کے باوجود گیارہ سیٹیں چھینی ہیں ۔پی ڈی ایم کے حوالے سے ہماری پالیسی بڑی واضح ہے ہم جمہوری و پارلیمانی طریقے سے حکومت کو ختم کرسکتے ہیں لیکن اپوزیشن کی دوسری پارٹیوں کے پاس کوئی پالیسی نہیں ہے ۔پارلیمانی طریقہ اختیار کرکے ہم نے سینیٹ کی سیٹ حاصل کی اور اب پنجاب میں بزدار اور وفاق میں عمران خان کو اسی طریقے سے نکال سکتے ہیں۔پیپلزپارٹی اس کٹھ پتلی حکومت کا مقابلہ کرے گی ۔پی ٹی آئی نے کالعدم تنظیم کے سابق عہدیدارکو الیکشن لڑوا کر پاکستان کی سکیورٹی اور فارن پالیسی کو نقصان پہنچایا ہے یہ ملک کی عزت کا مسئلہ ہے یہ کوئی کرکٹ میچ نہیں ۔آزاد کشمیر کے الیکشن بھی صاف و شفاف نہیں کراجاسکے ۔انہوں نے کہاکہ حالیہ بارشوں کے باعث اسلام آباد کا جو نقصان ہوا حکومت نے عوام کو لاوارث چھوڑ دیا ہے ہمارے ہاں بھی بہت بارشیں ہوئی جس سے بہت نقصان ہوا ہے لیکن ہمارے وزرا اپنے عوام کے ساتھ کھڑے ہوتے ہیں مگر اسلام آباد میں بارشوں سے ہونیوالے نقصان پر کوئی وزیر نہیں پہنچا ۔انہوں نے کہاکہ حکومت کورونا وائرس پر سیاست کررہی ہے ،وہ سندھ میں نہ خود کام کرتے ہیں نہ ہمیں کام کرنے دے رہے ہیں ، سندھ حکومت جو اقدامات اٹھا رہی ہے وفاقی حکومت اس کو ثبوتاژ کررہی ہے اگرکراچی میں بھی کروناوائرس کے حوالے سے بھارت والی صورتحال ہوئی تو اس کے ذمہ دار عمران خان ہوں گے ۔بارڈر کھولنے سے ڈیلٹا وائرس پاکستان میں آیا ہے ۔وفاقی حکومت کی ذمہ داری ہے کہ وہ عوام کا خیال رکھے ۔انہوں نے کہاکہ افغانستان کے ایشو پر پاکستان پیپلزپارٹی کی پالیسی وہی ہے جبکہ دوسروں کی پالیسی میں تضاد ہے ۔انہوںنے کہا کہ عوام کو موجودہ حکومت سے نجات دلائیں گے ہم صاف و شفاف الیکشن چاہتے ہیں اور الیکشن میں اسٹیبلشمنٹ کی مداخلت کو روکنا چاہتے ہیں جو فیصلہ عوام کرے وہ قابل قبول ہونا چاہیے ۔انہوں نے کہاکہ ظلم و جبر اسلام کا پیغام نہیں ہم نے اقلیتوں کے حقوق کے لئے آواز اٹھائی سندھ میں سب سے زیادہ تعداد میں ہندو آباد ہیں جب ان پر کوئی ظلم و جبر ہوتا ہے تو سندھ حکومت ان کیساتھ کھڑی ہوتی ہے ۔انہوں نے کہاکہ ن لیگ کے ساتھ نیک نیتی سے کوشش کی لیکن ن لیگ کنفیوژن کا شکار ہے اور وہ اپنا سیاسی منشور اور سیاسی پالیسی سامنے نہیں لا رہی ۔ہماری پی ڈی ایم کے حوالے سے پالیسی واضح تھی لیکن ن لیگ کی پالیسی واضح نہیں ہے ۔متعلقہ عنوان :
اسلام آباد میں شائع ہونے والی مزید خبریں
سی پیک کے دوسرے مرحلہ میں تیزی لانے میں پرعزم ہیں، بین الاقوامی مالیاتی فنڈ سے نئے معاہدے کیلئے پاکستان ..
کاروباری مرکز بلیو ایریا کے پٹرول پمپ کے سامنے آئل ٹینکر میں لگی آگ پر قابو پالیا گیا
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی ..
اسلام آباد ہائی کورٹ کا حج پر جانے والوں کو مکمل سہولیات فراہم کرنے کا حکم
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
سپریم کورٹ نے جاسوسی کے مبینہ ملزم کی درخواست ضمانت خارج کردی
پارلیمنٹ ہاؤس کی مسجد سے 20 سے زائد نمازیوں کے جوتے چوری
سی این جی سپلائی پرسیلز ٹیکس میں اضافہ کر دیا گیا
ایرانی صدر ڈاکٹر ابراہیم رئیسی کی سکیورٹی ٹیم پاکستان پہنچ گئی
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ..
پاکستان میں بارشوں کاحالیہ سلسلہ 22 اپریل تک وقفے وقفے سے جاری رہنے کا امکان
اسلام آباد سے متعلقہ
پاکستان کی تازہ ترین خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو