کیوی ٹیم کا دورہ منسوخ ہونے پر پاکستان کے تنہا ہونے کی باتیں کرنے والے عقل کے اندھے ہیں، شیخ رشید احمد

پاکستان کو تنہا اور نظر انداز نہیں کیا جاسکتا، وہ دن آئے گا جب تمام انٹرنیشنل ٹیمیں پاکستان آئیں گی، وزیر داخلہ

بدھ 22 ستمبر 2021 22:28

کیوی ٹیم کا دورہ منسوخ ہونے پر پاکستان کے تنہا ہونے کی باتیں کرنے والے ..
اسلام آباد (اُردو پوائنٹ اخبارتازہ ترین - این این آئی۔ 22 ستمبر2021ء) وفاقی وزیر داخلہ شیخ رشید نے کہا ہے کہ نیوزی لینڈ کرکٹ ٹیم کے دورہ پاکستان کی منسوخی پر پاکستان کے تنہا ہونے کی باتیں کرنے والے عقل کے اندھے ہیں۔میڈیا سے گفتگو کرتے ہوئے انہوںنے کہاکہ بھارت پاکستان کے خلاف کوئی موقع نہیں چھوڑتا تاہم پاکستان کو تنہا اور نظر انداز نہیں کیا جاسکتا، وہ دن آئے گا جب تمام انٹرنیشنل ٹیمیں پاکستان آئیں گی۔

شیخ رشید نے ایک بار پھر کہا کہ نیوزی لینڈ کی اتنی فوج نہیں جتنی ہم نے ان کی ٹیم کو سکیورٹی دی تھی، ہم نے نیوزی لینڈ کی ٹیم کو ہر طرح کی سکیورٹی فراہم کرنے کی یقین دہانی کروائی تھی۔انہوںنے کہاکہ نیوزی لینڈ کرکٹ ٹیم کے دورہ پاکستان کی منسوخی پر پاکستان کے تنہا ہونے کی باتیں کرنے والے عقل کے اندھے ہیں، ہم زندہ قوم ہیں، ہمیں تنہا اور نظر انداز نہیں کیا جا سکتا۔

(جاری ہے)

افغانستان کی صورت حال پر بات کرتے ہوئے شیخ رشید کا کہنا تھا پاکستان نے 10 ہزار سے زیادہ افراد کو افغانستان سے نکالنے میں تعاون کیا جبکہ بھارت کو افغانستان کے حوالے سے سبکی کا سامنا کرنا پڑا۔ان کا کہنا تھا کہ بھارت نے پاکستان میں افغان مہاجر کیمپ کا پروپیگنڈا کیا لیکن ہم نے بین الاقوامی میڈیا کو دکھایا کہ یہاں کوئی مہاجر کیمپ نہیں ہے، پاکستان نے افغانستان زیادہ لوگ جا رہے ہیں جبکہ کم لوگ ادھر آ رہے ہیں۔

اسلام آباد شہر میں شائع ہونے والی مزید خبریں:

Your Thoughts and Comments