پاکستان میں اہل 52 فیصد آٰبادی کی کورونا ویکسینیشن مکمل

جمعرات 27 جنوری 2022 15:55

پاکستان میں اہل 52 فیصد آٰبادی کی کورونا ویکسینیشن مکمل
اسلام آباد (اُردو پوائنٹ اخبارتازہ ترین - این این آئی۔ 27 جنوری2022ء) ملک میں کورونا وائرس کی وباء کی روک تھام کیلئے بنائے گئے نیشنل کمانڈ اینڈ آپریشن سینٹر (این سی او سی) نے کہا ہے کہ پاکستان میں کورونا ویکسین کی اہل 52 فیصد آبادی کی مکمل ویکسینیشن ہو چکی ہے۔این سی او سی کے مطابق پاکستان میں ویکسین کے اہل افردا کی تعداد 15 کروڑ 36 لاکھ ہے، جن میں سے 8 کروڑ 30 لاکھ افراد کی مکمل جبکہ 2 کروڑ 35 لاکھ افراد کی جزوی ویکسینیشن ہو چکی۔

پنجاب میں ویکسین کے اہل افراد کی تعداد 8 کروڑ 11 لاکھ ہے، وہاں 59 فیصد آبادی کو مکمل ویکسین لگ چکی۔

(جاری ہے)

سندھ میں ویکسین کے اہل افراد کی تعداد 3 کروڑ 48 لاکھ ہے، یہاں 43 فیصد آبادی کی ویکسینیشن مکمل ہو چکی۔خیبر پختون خوا میں ویکسین کے اہل افراد کی تعداد 2 کروڑ 41 لاکھ ہے، جہاں 46 فیصد آبادی کی ویکسینیشن مکمل ہو گئی۔بلوچستان میں ویکسین کے اہل افراد کی تعداد 78 لاکھ 5 ہزار ہے، جہاں 45 فیصد آبادی کی مکمل ویکسینیشن ہو چکی۔وفاقی دارالحکومت اسلام آباد میں ویکسین کے اہل افراد کی تعداد 15 لاکھ 90 ہزار ہے،جہاں 79 فیصد آبادی کی ویکسینیشن مکمل ہو چکی ہے۔این سی او سی نے بتایا کہ آزاد کشمیر اور گلگت بلتستان کی47، 47 فیصد ویکسین کی اہل آبادی کی ویکسینیشن مکمل ہو چکی ہے۔

اسلام آباد میں شائع ہونے والی مزید خبریں