الیکشن کمیشن ہی الیکٹرانک ووٹنگ مشین کی سلیکشن اور خریداری کا مجاز ہے،شبلی فراز

الیکشن کمیشن بلدیاتی انتخابات کے لئے ٹنڈر جاری کرے اور مشینیں خریدے، وفاقی وزیر

جمعرات 27 جنوری 2022 23:27

الیکشن کمیشن ہی الیکٹرانک ووٹنگ مشین کی سلیکشن اور خریداری کا مجاز ہے،شبلی فراز

اسلام آباد (اُردو پوائنٹ اخبارتازہ ترین - این این آئی۔ 27 جنوری2022ء) وفاقی وزیر سائنس و ٹیکنالوجی سینیٹر شبلی فراز نے کہاہے کہ الیکشن کمیشن ہی الیکٹرانک ووٹنگ مشین کی سلیکشن اور خریداری کا مجاز ہے۔

(جاری ہے)

میڈیا سے گفتگو کرتے ہوئے شبلی فراز نے کہا کہ الیکشن کمیشن کو باضابطہ طور پر آگاہ کیا کہ بلدیاتی انتخابات کے لئے الیکٹرانک مشینوں کی خریداری کا مجاز ہے،الیکشن کمیشن ہی الیکٹرانک ووٹنگ مشین کی سلیکشن اور خریداری کا مجاز ہے،الیکشن کمیشن بلدیاتی انتخابات کے لئے ٹنڈر جاری کرے اور مشینیں خریدے، وزارت سائنس اینڈ ٹیکنالوجی نے ای وی ایم کا تصور دیا، ہم خود سے مشین نہیں بناتے۔

انہوںنے کہا کہ ہم نے ثابت کیا کہ عوامی مزاج کے مطابق ای وی ایم مشین مقامی طور پر تیار ہوسکتی ہے، ہم نے چیف الیکشن کمشنر سے درخواست کی کہ مشینوں کی خریداری کرے، الیکشن کمیشن جس مشین کو بہتر سمجھتی ہے، وہی خریدے، مشینوں کی اسٹوریج کیلئیالیکشن کمیشن کو پانچ سو میٹر کی حدود میں جگہ آفر کی ہے،ہمارا کام الیکشن کمیشن سے تعاون کرنا ہے۔