ْعوام کمر کس لیں، حکومت 24گھنٹے میں تیل،گھی اوردیگر اشیا کی قیمتیں بڑھا سکتی ہے،مزمل اسلم

ڈالر مہنگا ہونے سے مہنگائی کا طوفان آئے گا،فیصلہ سازی نہ ہونے سے زرمبادلہ جا رہا ہے ملک میں آنہیں رہا،ماہرمعاشیات سیاسی بحران سے اقتصادی بحران پیدا ہو رہا ہے، بجلی، تیل سمیت مہنگائی کا طوفان آنیوالا ہے، حکومت کو فیصلے کرنے ہوں گے ، ورنہ صورتحال مزید خراب ہوگی،عابدسلہری

بدھ 18 مئی 2022 23:27

ْعوام کمر کس لیں، حکومت 24گھنٹے میں تیل،گھی اوردیگر اشیا کی قیمتیں بڑھا سکتی ہے،مزمل اسلم

اسلام آباد(اُردو پوائنٹ اخبارتازہ ترین - این این آئی۔ 18 مئی2022ء) ماہرمعاشیات مزمل اسلم نے خبردار کیا ہے کہ حکومت 24گھنٹے میں تیل،گھی اوردیگر اشیا کی قیمتیں بڑھا سکتی ہے۔ماہرمعاشیات مزمل اسلم نے نجی ٹی وی سے گفتگو کرتے ہوئے کہا کہ ڈالر مہنگا ہونے سے مہنگائی کا طوفان آئے گا،اس وقت ڈالر کی قیمت 180سے نیچے ہونی چاہیے تھی۔انہوں نے کہا کہ ملک میں عدم استحکام کی وجہ سے ڈالرکی قدر بڑھی، جب باہرسے چیزیں منگواتے ہیں توادائیگی ڈالرمیں کرناپڑتی ہے۔

(جاری ہے)

انہوں نے کہاکہ حکومت 24گھنٹے میں تیل ، گھی اوردیگر اشیا کی قیمتیں بڑھا سکتی ہے، عوام کمر کس لیں۔انہوں نے کہاکہ فیصلہ سازی نہ ہونے سے زرمبادلہ جا رہا ہے مگر ملک میں آنہیں رہا۔ جبکہ ماہرمعاشیات عابدسلہری نے کہا اس وقت سیاسی بحران سے اقتصادی بحران پیدا ہو رہا ہے، بجلی، تیل سمیت مہنگائی کا طوفان آنے والا ہے، حکومت حکومت کو فیصلے کرنے ہوں گے ، ورنہ صورتحال مزید خراب ہوگی۔انہوں نے کہا کہ حکومت کو معاشی صورتحال پر جلد کنٹرول کرنا ہوگا،آئندہ بجٹ کافی مشکل ہوگا اور یہ ملک کیلئے کافی مشکل وقت ہے ،حکومت کو فیصلے کرنے ہوں گے ، ورنہ صورتحال مزید خراب ہوگی۔