ایک شخص کی ضد، انا اور تکبر کی وجہ سے نیکٹا کو چار برسوں تک نظرانداز کیا گیا، مریم اورنگزیب
مسلم لیگ (ن) کی گزشتہ حکومت کی حکمت عملی کی وجہ سے دہشت گردی کے واقعات میں کمی آئی تھی تاہم بدقسمتی سے تحریک انصاف کی حکومت نے بنائے گئے انفراسٹرکچر اور مالیاتی اور کوآرڈینیشن کا کام بند کردیا جس کے نتائج سامنے آرہے ہیں.وفاقی وزیر اطلاعات و نشریات کا قومی اسمبلی کے اجلاس میں خطاب
میاں محمد ندیم جمعہ 20 مئی 2022 15:07
(جاری ہے)
قومی اسمبلی میں مولانا عبدالاکبر چترالی اور ڈاکٹر فہمیدہ مرزا کی طرف سے اٹھائے گئے نکات کا جواب دیتے ہوئے وفاقی وزیر اطلاعات مریم اورنگزیب نے کہا کہ دہشت گردی پاکستان کے اندر دوبارہ سر اٹھا رہی ہے گزشتہ چار برسوں میں نیشنل کاﺅنٹر ٹیررازم اتھارٹی (نیکٹا) کا کوئی اجلاس طلب نہیں کیا گیا نیکٹا کو وزیراعظم چیئر کرتے ہیں. انہوں نے کہا کہ سابق وزیراعظم محمد نواز شریف نے 2014 میں پہلی سیکورٹی پالیسی دی تھی، اس کے بعد قومی ایکشن پلان بنایا گیا قومی ایکشن پلان میں تمام صوبوں، پوری قوم، قانون نافذ کرنے والے اداروں اور وفاقی اکائیوں کو شامل کرکے دہشت گردی کے خلاف حکمت عملی مرتب کی گئی تاہم گزشتہ چار سالوں میں ایک شخص کی ضد، تکبر اور انا کی وجہ سے اسے نظرانداز کیا گیا. سابق وزیراعظم نے پولیو، دہشت گردی اور دیگر اہم ایشوز پر صوبوں سے کوئی مشاورت نہیں کی نیشنل ایکشن پلان میں صوبوں کے کردار کے بارے میں ایک طریقہ کار وضع کیا گیاہے. مریم اورنگزیب نے کہا کہ مسلم لیگ (ن) کی گزشتہ حکومت کی حکمت عملی کی وجہ سے دہشت گردی کے واقعات میں کمی آئی تھی تاہم بدقسمتی سے تحریک انصاف کی حکومت نے بنائے گئے انفراسٹرکچر اور مالیاتی اور کوآرڈینیشن کا کام بند کردیا تھا انہوں نے کہا کہ شمالی وزیرستان میں پولیو کے چار کیسز سامنے آئے ہیں، سندھ کے وزیراعلیٰ نے ریکارڈ پر یہ بات کہی ہے کہ جب انہوں نے پولیو کے حوالے سے وزیراعظم سے بات کی تو انہیں بتایا گیا کہ یہ وقت کا ضیاع ہے. انہوں نے کہا کہ سابق حکومت کی لاپرواہی کی وجہ سے آج دہشت گردی کے واقعات دوبارہ سر اٹھا رہے ہیں حکومت پوری قوم ، چاروں صوبوں اور قانون نافذ کرنے والے اداروں کے ساتھ یکسو ہو کر دہشت گردی کا قلع قمع کرے گی انہوں نے کہا کہ وزیراعظم شہباز شریف نے اپنی پہلی میٹنگ انسداد دہشت گردی کے حوالے سے کی تھی نیکٹا کا اجلاس بلانے کے لئے وزیر داخلہ کو ہدایت کی گئی ہے اور آئندہ ہفتے اس حوالے سے اجلاس ہوگا. انہوں نے کہا کہ پانی کا مسئلہ حل کرنے کے لئے وزیراعظم نے مشترکہ مفادات کونسل کا اجلاس آئندہ ہفتے طلب کرلیا ہے انہوں نے کہا کہ وزیراعظم دہشت گردی کے حوالے سے آٹھ اجلاس چیئر کر چکے ہیں، وہ صوبوں اور وفاقی اکائیوں کے ساتھ رابطے کر رہے ہیں کیونکہ انہیں ضد، انا اور تکبر کے مسائل نہیں ہیں. قبل ازیں شگفتہ جمانی نے نکتہ اعتراض پر کہا کہ سندھ میں پیپر آﺅٹ ہونا نئی بات نہیں ہے، مجاز اتھارٹی نے فوراً ردعمل دیا تھا اس بات کو کلیئر کیا گیا کہ پیپر سیلڈ ہے اور وہی پیپر دوسرے روز آیا انہوں نے کہا کہ جیکب آباد ، حیدرآباد شدید گرمی کی زد میں ہیں حیسکو کا طریقہ کار نامناسب ہے 20,20 گھنٹے لوڈشیڈنگ ہے، لوگوں کا گرمی سے برا حال ہے. وفاقی وزیر نے بجلی لوڈشیڈنگ ختم ہونے کا دعویٰ کیا تھا ،اس حوالے سے سپیکر کی رولنگ آنی چاہیے ڈاکٹر فہمیدہ مرزا نے نکتہ اعتراض پر کہا کہ لوڈشیڈنگ سے عوام کا برا حال ہے، امتحان دینے والے بچے بے ہوش ہو رہے تھے، بچے ہمارا مستقبل ہیں اگر بچوں کو ان رولمنٹ کارڈ بھی نہ ملے تو اس سے صورتحال کا اندازہ ہو رہا ہے. انہوں نے کہا کہ 14 سالوں میں صوبائی حکومت معیاری تعلیم کے حوالے سے ایک نظام تک نہیں دے سکی ہے مولانا عبدالاکبر چترالی نے نکتہ اعتراض پر کہا کہ لواری ٹنل سے آگے سڑک پر ایک سال سے کام بند ہے اپر اور لوئر چترال میں بارہ گھنٹے لوڈشیڈنگ ہے پیسکو اور پیڈو نے لوگوں سے پیسے لے لئے ہیں لیکن اس کے باوجود بارہ سے سولہ گھنٹے تک لوڈشیڈنگ ہے. انہوں نے کہا کہ مسلم لیگ( ن( کی سابق حکومت میں چترال میں ایل پی جی سٹیشنوں کے لئے پیسے رکھے گئے، تین سالوں سے کوئی کام نہیں ہوا وہ زمینیں فروخت کی جارہی ہیں اس سے امن و امان کی صورتحال خراب ہو رہی ہے.
متعلقہ عنوان :
اسلام آباد میں شائع ہونے والی مزید خبریں
حکومت اپوزیشن مذاکرات، پبلک اکاؤنٹس و دیگر کمیٹیوں کی تشکیل کا فارمولا طے پانے کا امکان
پاکستان کی بہترین جامعات کو مانیٹرنگ کے مؤثر نظام کے ذریعے عالمی معیار کی جامعات میں شامل کرنا چاہتے ..
پاکستان اور ویسٹ انڈیز کی ویمن کرکٹ ٹیموں کے درمیان پہلا ٹی ٹونٹی میچ جمعے کو کھیلا جائے گا
پاکستان اور برطانیہ کا تعلیمی شعبے میں تعاون پر تبادلہ خیال
بلدیاتی نمائندوں کو فنڈز فراہم کرنا خوش آئند ہے،فی وارڈ کم ازکم دس لاکھ روپے سالانہ فراہم کیے جائیں،ڈاکٹر ..
آئیسکو نے بجلی کی عارضی بندش کا شیڈول جاری کردیا
ایتھوپیا کے سفیر جمال بیکر عبد اللہ اور وزیر اعظم کی کوآرڈینیٹر برائے موسمیاتی تبدیلی رومینہ خورشید ..
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
آئیسکو چیف 26اپریل کو فیس بک اور ٹیلی فون پر صارفین کی شکایات سنیں گے
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
متروکہ وقف املاک کی چودہ سو سینتالیس ایکڑ زمین مختلف لوگوں اور اداروں نے گھیری ہوئی ہے
پولیس کے افسران کی پوسٹنگ اب چیف کمشنر کی مشاورت سے ہوگی ،نوٹیفکیشن جاری
اسلام آباد سے متعلقہ
پاکستان کی تازہ ترین خبریں
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
اگر انتخابی نظام اور نئے الیکشن کی بات ہوتی ہے توسب بات کریں گے
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری