اسلام آباد پولیس کے ملازمین کے لیے خوشخبری

اسلام آباد پولیس کو پنجاب پولیس کے برابر تنخواہ کی ادائیگی کیلئے اجازت طلب

ہفتہ 28 مئی 2022 22:21

اسلام آباد (اُردو پوائنٹ اخبارتازہ ترین - آن لائن۔ 28 مئی2022ء) اسلام آباد پولیس کے ملازمین کے لیے خوشخبری ۔ وزارت داخلہ نے وزارت خزانہ کو خط لکھ دیا ۔ اسلام آباد پولیس کو پنجاب پولیس کے برابر تنخواہ کی ادائیگی کیلیے اجازت طلب کی گئی ہے ۔ وزارت داخلہ نے پنجاب پولیس کی تنخواہوں کا پیٹرن بھی فنانس ڈویڑن کو بھجوادیا ہے ۔ خط میں کہا گیا ہے کہ اسلام آباد پولیس امن و امان کو برقرار رکھنے کے لیے انتہائی اہم کردار کررہی ہے، اسلام آباد پولیس کو فسادی ہجوم اور دہشتگردانہ کارروائیوں کا مقابلہ کررہی ہے۔

خط میں کہا گیا ہے پنجاب پولیس اور ایف آئی اے کے مقابلے میں اسلام آباد پولیس کی تنخواہ کم ہے۔ اسلام آباد پولیس کے اہلکاروں کو ملک بھر کوٹہ کی بنیاد پر بھرتی کیا جاتا ہے۔

(جاری ہے)

اپنے علاقے سے باہر سے آنے والے اہلکاروں کو زیادہ مہنگائی کا سامنا بھی کرنا پڑتا ہے۔ کم تنخواہ کی وجہ سے بدعنوانی کا خدشہ رہتا ہے ۔ تنخواہوں میں اضافے سے، اسلام آباد پولیس کا مورال بلند ہوگا۔ خط میں کہا گیا ہے اسلام آباد پولیس کی پنجاب پولیس کے برابر کرنے کے لیے 738ملین روپے کیاخراجات آئیں گے۔ خط میں مزید کہا گ۸یا ہے کہ دیگر تمام صوبوں کی پولیس کی تنخواہوں کا تقابلی جائزہ بھی بھیجا جارہا ہے ۔ فنانس ڈویڑن سے درخواست ہے کہ جلد از جلد اسلام آباد پولیس کے پرپوزل کا جائزہ لیا جائی