چھوٹے چھوٹے اختلافات کو بھلاکر اجتماعی خوشحالی کی خاطر آگے بڑھنا ہوگا‘ چیئرمین سینٹ

اسلام آباد(اُردو پوائنٹ اخبارتازہ ترین - آن لائن۔ 18 ستمبر2024ء) چیئرمین سینیٹ سید یوسف رضا گیلانی نے کہا ہے کہ چھوٹے چھوٹے اختلافات کو بھلاکر اجتماعی خوشحالی کی خاطر آگے بڑھنا ہوگا‘ امن کے لیے مل کر کام کرنے کے ساتھ سماجی و اقتصادی ترقی میں رکاوٹ بننے والے چیلنجوں پر قابو پانے کے لیے اتحاد پیدا کریں۔یہاں یوم ولادت رسول صلی اللہ علیہ وسلم کے سلسلے میں اسلام آباد میں منعقدہ کانفرنس سے خطاب کرتے ہوئے چیئرمین سینٹ سید یوسف رضا گیلانی نے کہا کہ موجودہ دور میں مسلم دنیا کو بے شمار چیلنجز کا سامنا ہے۔

کشمیر، فلسطین اور دیگر خطوں میں مسلمانوں کے ساتھ ناانصافی اور زیادتیاں ہو رہی ہیں۔ حالات کے پیش نظر اب لازمی ہو گیا ہے کہ مل کر کام کریں۔انہوں نے کہا کہ امن کے لیے مل کر کام کرنے کے ساتھ سماجی و اقتصادی ترقی میں رکاوٹ بننے والے چیلنجوں پر قابو پانے کے لیے اتحاد پیدا کریں ۔

(جاری ہے)

ن چھوٹے چھوٹے اختلافات کو بھلاکر اجتماعی خوشحالی کی خاطر آگے بڑھنا ہوگا۔

کانفرنس کا انعقاد عراق کے سفارت خانے کو مبارک باد پیش کرتا ہوں۔ یوسف رضا گیلانی نے کہا کہ حضور نبی اکرم صلی اللہ علیہ وآلہ وسلم کی تعلیمات اور امام حسین علیہ السلام کی قربانیاں ہمارے لیے مشعل راہ ہیں۔ یہ ہمیں ناانصافیوں کے خلاف متحد ہونے اور حق و انصاف کے عزم پر ڈٹے رہنے کا درس دیتی ہیں۔ یہ موضوع ہمیں رسول اللہ ﷺ اور آپﷺ کے پیارے نواسے حضرت امام حسین علیہ السلام کی لازوال میراث کی یاد دلاتا ہے۔

سید یوسف رضا گیلانی نے کہا کہ جزیرہ نما عربن جہالت اور بت پرستی میں ڈوبا ہوا ایک پسماندہ معاشرہ تھا‘ عرب کا علاقہ اسلام کی روشنی سے منور ہوا ہے‘ نبی کریم صلی اللہ علیہ وسلم نے توحید، مساوات اور انسانی عظمت کا پیغام دیا‘ میدان کربلا میں حضرت امام حسین علیہ السلام اور ان کے ساتھیوں کی عظیم قربانیاں ظلم، جبر اور اسلامی اقدار کی پامالی کے خلاف حق و صداقت اور مزاحمت کی شمع ہیں۔

چیئرمین سینیٹ کا کہنا تھا کہ امام حسین علیہ السلام کی جرات و استقامت سے سبق حاصل کرنے اور ایک ایسی دنیا کی تعمیر کے لیے جدوجہد کرنے کی ضرورت ہے۔جہاں انصاف، امن اور ہمدردی کا بول بالا ہو۔ روزمرہ زندگی میں اسلام کے اصولوں کو اختیار کرنے اور مل کر کام کرنے کی اشد ضرورت ہے۔ کانفرنس میں سفیروں، مذہبی سکالرز، ماہرین اور زندگی کے مختلف شعبوں سے تعلق رکھنے والے افراد نے شرکت کی۔چیئرمین سینٹ نے کہا کہ اسلام کی تعلیمات میں تمام مسائل کا حل موجود ہے۔مسلم امہ کو درپیش مسائل کو وجہ اسلامی تعلیمات سے دوری ہے۔ مذہب اسلام محبت امن اخوت اور انسانیت کا درس دیتا ہے ۔ چیئرمین سینیٹ نین منتظمین کان شاندار کانفرنس کے انعقاد پر شکریہ ادا کیا اور تعریف بھی کی۔