کون سی قوتیں ہیں جو اقتدار تک عوام کی رسائی کو روکتے ہیں؟

اسلام آباد ( اردوپوائنٹ اخبار تازہ ترین۔ آئی پی اے ۔14 جون 2025ء ) سربراہ جے یوآئی ف مولانا فضل الرحمان نے کہا ہے کہ کون سی قوتیں ہیں جو اقتدار تک عوام کی رسائی کو روکتے ہیں؟ تمام اسلامی دنیا اسرائیلی جارحیت کیخلاف ہے۔ میڈیا کے مطابق سربراہ جے یوآئی ف مولانا فضل الرحمان نے سینیٹر فیصل واوڈا کے گھر گئے ، جہاں پر مولانا فضل الرحمان اور سینیٹر فیصل واوڈا کے درمیان ملاقات ہوئی ۔

سینیٹر فیصل واوڈا نے کہا کہ مولانا فضل الرحمان کی رہنمائی ہم تمام پاکستانیوں کیلئے ضروری ہے، ہم مولانا فضل الرحمان سے سیکھتے رہیں گے، مولانا فضل الرحمان ہمارے بڑے اور استادوں میں سے ہیں، مولانا فضل الرحمان سے میرا بھائیوں جیسا تعلق ہے، مولانا فضل الرحمان کا شکریہ کہ انہوں نے پاکستان اور ہم سب کیلئے بہت کچھ کیا۔

(جاری ہے)

سربراہ جے یوآئی ف مولانا فضل الرحمان نے کہا کہ بھارت کی طرف سے جارحیت کی گئی ہم نے بحیثیت قوم مل کر مقابلہ کیا، فیصل واوڈا نے دعوت دی تو حاضر ہوگیا۔

اچھی بات ہے کہ ہم ایک دوسرے سے مل رہے ہیں۔ کون سی قوتیں ہیں جو اقتدار تک عوام کی رسائی کو روکتے ہیں، تمام اسلامی دنیا اسرائیلی جارحیت کے خلاف ہے، امریکا ایک ناجائز ملک کی کیوں حمایت کررہا ہے۔ مزید برآں قومی اسمبلی میں آئندہ مالی سال 2025-26ء کے وفاقی بجٹ پر عام بحث ہفتہ کو بھی جاری رہی۔ اس دوران حکومتی اراکین نے بجٹ کو عوام دوست جبکہ اپوزیشن نے تنقید کا نشانہ بنایا۔

ہفتہ کو قومی اسمبلی میں دوسرے سیشن میں پیپلز پارٹی کے رکن سید علی قاسم گیلانی نے بحث میں حصہ لیتے ہوئے کہا کہ ایچ ای سی کے لئے 40 ارب روپے رکھے گئے ہیں اور جنوبی پنجاب کا اس میں حصہ 1.8 فیصد ہے۔253 ارب روپے کا بجٹ صوبوں اور خصوصی علاقہ جات کے لئے رکھا گیا ہے لیکن اس میں بھی ملتان جیسے بڑے شہر کا حصہ نہ ہونے کے برابر ہے۔ وزیراعظم گیلانی کے علاوہ کسی دور میں جنوبی پنجاب کو اس کا حصہ نہیں ملا۔

بجٹ دستاویز میں تضاد ہے، زراعت اور آئی ٹی سے پاکستان کا مستقبل وابستہ ہے۔ہر فصل کے لئے امدادی قیمت کا اعلان کیا جائے، زرعی پیداواری لاگت میں کمی لائی جانی چاہیے۔ انہوں نے کہا کہ بے نظیر انکم سپورٹ پروگرام بڑھا کر 716 ارب کیا ہے اس سے غربت میں کمی آئے گی۔ آئی ٹی پارکس کے لئے معقول رقم رکھی گئی ہے اس سے اس شعبہ کے طلبہ کو ملازمتیں ملیں گی۔

مسلم لیگ ن کے رکن ملک محمد اقبال نے کہا کہ وزیر اعظم شہباز شریف اور فیلڈ مارشل عاصم منیر کو مبارکباد دیتے ہیں جنہوں نے ایک مکار دشمن کو سبق سکھایا۔انہوں نے کہا کہ لائیو سٹاک کے فروغ کے لئے اقدامات اٹھائے جائیں، نادرا اور پاسپورٹ کے بہاولپور میں کرائے کی عمارتوں میں آفسز قائم ہیں ان اداروں کے لیے فنڈز فراہم کئے جائیں۔اجناس کی معقول قیمتیں دی جائیں۔ عباس نگر کے ہنر مندوں کے لئے کرافٹ بازار بنایا جائے۔